Balalar merekesiniń qarsańynda alǵash jaryq kórip otyrǵan kitapsha búldirshinderdiń oı-órisin qalyptastyrýǵa, kitap oqýǵa degen yntasyn oıatýǵa yqpal etetini sózsiz. «Búginde elimizde «Rýhanı jańǵyrý» baǵdarlamasy aıasynda túrli ıgi bastamalar qolǵa alynýda. Osyndaı sátte balapandarymyzdyń bolashaǵy men ulttyq qundylyqtarymyz nazardan tys qalmaýy tıis. Zymyraǵan ýaqytpen jarysa ósip kele jatqan balalardyń búginde uıaly telefonǵa táýeldi bolyp bara jatqany bárimizge aıan. Osy turǵydan alǵanda oıyn kitapshasy búldirshinderimizdi bir sát bolsa da tanymdyq álemge elitip áketetini sózsiz», - deıdi óz oıymen bólisken kitap avtory Janar Qýandyqqyzy.
Kitapsha ulttyq naqyshta bezendirilip, danalyq naqyl sózdermen árlengen. Balalardyń bul kitapshadan jumbaqtar men jańyltpashtar oqýyna da mol múmkindik bar.
Professor H.Ospanov, «Ake amanaty» kitabynyń avtory I.Kemelbekov jáne «Orhon» baspa úıiniń dırektory J.Aıdos búldirshinder álemine jol tartqan kitaptyń tusaýkeserine qatysyp, sát-sapar tilese, teolog-dintanýshy N.Jarymbekov, tanymal jýrnalıst S.Ábedınova, jazýshy-jýrnalıst Q.Ábilqaıyr, óner salasynyń ókilderi Q.Shákirjanov, J.Baıtekov, N. Jaqsygen, t.b. «Baqytty januıa» kitabynyń kóptegen otbasylar úshin tanymdyq mazmunmen ereklshelengen basylym bolatyndyǵyna úlken senim artyp, tilekterin bildirdi.
Elvıra SERIKQYZY,
«Egemen Qazaqstan»
ALMATY
