Menıngokokk ınfeksııasy – aýrýdy belgisiz tasymaldaýshy, nazofarıngıt (muryn men jutqanshaqtyń qabynýy), menıngıt (mı qabyqtarynyń qabynýy) jáne menıngokokk sepsısi (qannyń zararlanýy) sekildi túrli klınıkalyq belgileri bar bakterııalar qozdyratyn jiti juqpaly aýrý.
Infeksııanyń berilý joly – aýaly-tamshyly, ıaǵnı jótelgende, túshkirgende, sóılegende juǵady.
Belgileri: bastyń qatty aýrýy, shóldeý, qusý, dene qyzýynyń kóterilýi, qaltyraý, bozarý, tábettiń tómendeýi, bórtpe, álsizdik, arqa jáne aıaq-qoldardyń aýrýy.
Aýrýdyń aldyn alý úshin mynadaı erejelerdi saqtaǵan jón:
- aýrýdyń alǵashqy belgileri (tamaqtyń qyzarýy, dene qyzýynyń kóterilýi, bastyń qatty aýrýy, álsizdik) paıda bolǵan kezde dárigerge kóriný jáne basqa nusqaýlaryn oryndaý;
- túrli mádenı-buqaralyq sharalarǵa qatysýdy, júzý basseınderine barýdy, oıyn alańdaryna barýdy shekteý, jeke tazalyqty saqtaý;
- ǵımarattardy jıi jeldetip, kún saıyn ylǵaldy tazalaý jumystaryn júrgizý;
- sozylmaly ınfeksııa oshaqtary LOR aǵzalaryn tazalaý;
- tek qaınaǵan nemese bótelkedegi sýdy ishý;
- muzdaýdan, ashyǵýdan, uıqynyń qanbaýynan, kúızelisten aýlaq bolý.
