«Habar» telearnasy bul kezdesýdi 6 maýsymnan 7 maýsymǵa qaraǵan túni saǵat 00.30-da tikeleı efırden kórsetedi.
Qazirgi tańda Danııar Florıdadaǵy jattyǵý alańynda óziniń jeke bapkeri Djon-Devıd Djeksonnyń jetekshiligimen daıyndalyp jatyr. Sondaı-aq taıaý ýaqytta Danııardyń jattyǵý alańyna ákesi, jattyqtyrýshy Marat Eleýsinov pen aǵasy, orta salmaqta óner kórsetetin, kásibı bokser Dáýren Eleýsinov te qosylady.
«Florıdada jattyǵyp, Djon-Devıdten sabaq alý keremet. Men kún saıyn jaqsy kásibı boksshy bolýyma kómektesetin jańa dúnıelerdi úırenip jatyrmyn. 6 maýsymdaǵy jekpe-jegimdi asyǵa kútip júrmin» - dep oı bólisiti Danııar Eleýsinov.
«Áýesqoı boksta eń bastysy – bal jınaý, biraq men bul kezdesý barysynda Danııardyń jınaqy, qatal, qarsylasyna soqqylaryn barynsha dóp tıgizýdi oılaǵanyn qalaımyn» – deıdi Djon-Devıd Djekson.
Danııar kezdesýin jartylaı aýyr salmaqtaǵy WBA Continental jáne Brıtandyq seriktestiktiń chempıony belbeýine talasatyn Loýrens Okolı men Lıýk Ýotkın arasyndaǵy jekpe-jektiń aldynda ótkizedi.
