«Atlas arystandary» kezekti joryqqa daıyn

Tarıhı otandy tańdaǵandar

Marokko quramasynyń 61 paı­yzy Eýropada týyp-ósken­der eken. Bul jóninen álem chem­pıonatyna qatysatyn qura­malar ishinde tek Senegal ǵana bá­sekeles bola alady. Koman­da­­nyń negizgi juldyzy ári kapı­tany – Mehdı Benatııa. Ol «Iýven­týs­tyń» negizgi ortalyq qor­ǵaý­shy­larynyń biri. Italııa kýb­ogynyń fı­nalynda «Mılan» qaqpasyna 2 gol soǵyp, komandasyna jeńis syılady. Benatııa standartty jaǵdaılarda aıyp alańynda óte qaýipti oıynshy. Ol baspen gol soǵýdy jaqsy meńgergen tas­qamal qorǵaýshy. Sonymen qatar oń qaptalda oınaıtyn qorǵaýshy Ashraf Hakımı de TOP klýbta óner kórsetedi. Ol bıyl «Real» Madrıd sapynda birneshe oıynda alańǵa shyqty. Sonymen qatar kezinde dúrkiregen Mýbarak Býssýfa da ulttyq quramanyń tá­ji­­rıbeli oıynshylarynyń biri.

Marokkonyń bas bapkeri Evre Renar 2016 jyly Qazaqstanǵa kelgen. Kelgendegi basty sharýasy Qazaqstan fýtbol federa­sııasymen kelisimge kelý bolatyn. Fransýz mamany bizdiń ult­tyq quramanyń tizginin ustaı jaz­daǵan. Alaıda eki tarap ortaq ke­lisimge kele almady.

Ańyzǵa aınalǵan Mustafa Hadjı

Marokko álem chempıonatyna 4 ret qatysqan. Bul jaǵynan olar Afrıkada Kamerýnnan keıingi orynda. Sonymen qatar «atlas arystandary» mýndıalda pleı-off satysyna shyqqan alǵash­qy afrıkalyq komanda. 1986 jyly olar Meksıka je­rinde úlken sensasııa jasady. Anglııa, Polsha, Portýgalııa qu­ra­malarymen bir topta bolyp, jeńimpaz atanyp shyqty. Sońǵy oıynda «arystandar» portýgalııalyqtardy 3:1 esebimen jeń­di. Dál solarmen bul joly da bir topqa túsip otyr. Odan keıin 1994 jyly AQSh-taǵy dodada toptyq kezeńnen ári asa almady. 1998 jyly Marokko Fransııaǵa myq­ty aıaqdopshylarmen bardy. Bi­raq sáttilik jetispeı, pleı-off kezeńine shyqpaı qaldy. Qu­ra­mada sol shaqta aty ańyzǵa aı­nal­ǵan Mustafa Hadjı boldy. 1998 jyly Afrıka qurlyǵynyń úzdik oıynshysy ataǵyn alǵan Mustafany búkil Marokko ala­qa­­nynda ustaıtyn. Bul elden bu­­ryn-sońdy mundaı ataqty ári she­ber oıynshy shyqpaǵan edi. Por­­týgalııa, Anglııa, Ispanııa chem­­pıonattarynda oınaǵan Had­jı qazir bas bapker Renardyń kó­mek­shisi.

Aldaǵy maqsat – alpaýyttarǵa azý kórsetý

Marokko quramasynyń top­ta­ǵy jaǵdaıy qıyn. Qar­sy­las­tarynyń barlyǵy kileń «sen tur, men ataıyn»  ujym­dar. Ispanııa men Por­tý­galııa «V» tobynyń basty favorıtteri. Alaıda álemdik mýndıalda osal qurama bol­maıtyny anyq. Barlyǵy óz qurlyǵynyń úzdikteri. Son­dyq­tan da Iran quramasyn da esep­ten shyǵarýǵa áste bolmas. Marok­kolyqtar alǵashqy match­ta dál osy musylman baýyr­la­rymen kezdesedi. Match 15 maý-
sym kúni Sankt-Peterbýrgte ótedi. Odan keıin Ektor Kýper shá­kirtteri Krıshtıaný Ronaldý bas­taǵan Portýgalııamen, sońǵy týrda Ispanııamen kezdesedi. Birin­shilikke kelgennen keıin bar óner­di ortaǵa salyp, el namysy úshin janymyzdy aıamaımyz dep otyr­­ǵan afrıkalyqtar pleı-off kez­e­ńine shyǵýdy maqsat tutady. Iran­dy jeńgennen keıin 2 al­paý­­yttyń birin súrindirsek deı­di.

Bir qyzyǵy, álem chempıona­tyn­daǵy 32 quramanyń ishinde osy toptaǵy komandalar bir-biri­ne óte jaqyn ornalasqan memle­ket­ter ekenin de aıta keteıik. Son­dyqtan da bul toptyń oıyn­da­ry jankúıer kútpegen ná­tı­­jelermen órilip jatsa esh tań­ǵal­maımyz. Bir anyǵy, áıteýir mýn­dıal tarıhynda sensasııasyz top bolmaıdy. Bálkim, osy top­taǵy quramalar kórermenniń kóz­aıymy bolyp qalar?!

Ermuhamed MÁÝLEN,
«Egemen Qazaqstan»