«Quzyrly organ basshysy retinde men áleýmettik jelide taralyp jatqan túrli aqparatqa senbeýdi suraımyn. Antıbıotık dárileri tek naýqaspen baılanysta bolǵan adamdarǵa ǵana jazylady. Bul prosess dárigerlerdiń baqylaýynda bolý kerek. Halyq tek resmı organdardyń aıtqan málimdemesine ǵana senýi tıis», dedi Aızat Moldaqasymova.
Departamenttiń málimetinshe, búginde Almatyda 48 adam dáriger kómegine júgingen. Onyń ishinde 32 adamda menıgokokk juqpasy bar ekeni zerthanalyq túrde rastaldy. Aıta ketý kerek, Densaýlyq saqtaý mınıstri Eljan Birtanovtyń málimdeýinshe, qaýipti juqpadan jyl basynan beri Qazaqstanda 12 adam kóz jumǵan.
«Jyl basynan beri Qazaqstanda menıngıt ınfeksııasyn juqtyrǵan 58 naýqas tirkeldi. Olardyń 18-i 14 jasqa deıingi balalar. Jyl basynan beri atalǵan dertten 12 adam kóz jumdy, sonyń ishinde beseýi 14 jasqa deıingi jetkinshekter», dedi mınıstr Ortalyq kommýnıkasııalar qyzmetinde.
Almatyda 5 adam kóz jumdy. Olardyń 2-eýi - 5 jasqa deıingi balalar. Almaty oblysynda bul dertten 4 adam kóz jumdy
