Asa jeńil salmaqta beldesetin Otgonseseg jaraqatyna baılanysty em-dom qabyldap, biraz ýaqyt boz kilemnen kórinbegen edi. Soǵan qaramastan ol Pıreneı túbeginde ótken jarysta ózin jaqsy qyrynan kórsetti. Alǵashqy eki beldesýde Ispanııa men Izraıl ókilderin utqan Olımpııa oıyndarynyń qola júldegeri jartylaı fınalda jergilikti balýan Laýra Martıneske ese jiberdi. Al qola medal úshin ótken básekede Galbadrah Belgııanyń betke ustary Sofııa Anna Jýrany jeńdi. Al osy týrnırde óner kórsetken ózge qyzdarymyz alǵashqy bir-eki aınalymnan asa alǵan joq.
Erler básekesinde eki órenimiz ǵana tatamıge shyqty. Alaıda ekeýi de el úmitin aqtaı almady. 60 kılo salmaqtaǵy Ramazan Mamaev bastapqyda Italııa men Izraıl ókilderinen aılasyn asyrǵanymen, úshinshi kezeńde fransııalyq Lýka Makenzege jol berdi. Jubanysh básekesinde qandasymyz Fransııanyń taǵy bir dzıýdoshysy Vınsent Mankvıtske ese jiberdi. 66 kılo salmaq dárejesinde beldesken Suńǵat Jubatqan tusaýkeser kezdesýinde ıspanııalyq Salvador Rokadan utyldy.
Ǵalym SÚLEIMEN,
«Egemen Qazaqstan»
