"Eljan Amantaıuly, bul másele rasynda da halyq arasynda alańdaýshylyq týǵyzyp otyr. Sol sebepti, jaı ǵana aıtyp ótken az, aqparattyq-túsindirme jumystaryn jandandyrý qajet. Áleýmettik jelide kóp talqyǵa túsip jatyr. Sizder aıtqan málimdemeler birine jetse, birine jetpeıdi. Eger shtab qursańyz, shtab jumysy jarııa túrde júrgizilýi kerek. Ár oblysta atqarylyp jatqan jumystardy, árbir bolǵan jaǵdaıdy túsindirý kerek", dedi Baqytjan Saǵyntaev.
Sonymen birge, Premer-Mınıstr vaksınany egý nemese ekpeý suraqtarynyń týyndap otyrǵanyn basa aıtty.
"Keshe úlken kásiporynnyń basshysy keldi, "Jumysshylarymnyń arasynda alańdaýshylyq bastaldy, olarǵa egý jumysyn júrgizeıin be, júrgizbeıin be?" dep surady. Ony aıtyp, túsindirip jatqan eshkim joq. Vaksınany óz erkimen alý, egý máselesi de halyq arasynda kúnnen-kúnge kóterilip kele jatyr. Baǵasy óte qymbat. Bir oblysta 40 myń, bir oblysta 20 myń turady. Osyndaı jaǵdaı bop jatqanda mınıstrlikter, qurmetti ákim myrzalar, sizder de baqylaýǵa alyp, kereginshe kómek kórsetip, baǵasyn túsirý kerek. Dúrligýge jol bermeý kerek", - dedi Saǵyntaev.
Ol aýrýhanalardyń kelýshilerdi oblysqa qarasty, qalaǵa qarasty dep qabyldamaıtynyn da eske saldy.
"Mundaı máselelerdi jyldam sheshý kerek qoı, Eljan Amantaıuly. Keshe oqyp otyrmyz, Talǵardan Qaskelenge deıin eki saǵat. Al anasy balasyn úsh saǵatta joǵalttym dep otyr. Talǵardan Qaskelenge jetkenshe qaı zaman? Nege osyndaı máselelerdi jedel túrde buıryqtaryńyzdy berip, sheshim shyǵarmaısyzdar? Ákimderdiń sheshimi bolsa, ákimderge aıtý kerek, mundaı jaǵdaılarda barlyq aýrýhanaǵa tapsyrma bersin, osy ınfeksııamen kelgen naýqastyń bárin birden qabyldasyn. Bul jóninen kemshilikter bar. Búgin jolǵa shyqsańyz, bárin óz kózińizben kórip, qajetti sheshimderdi qabyldap, halyqqa túsindirý jumystaryn júrgizińiz", dep óz sózin túıindedi Premer-Mınıstr.
