Onyń qorynda jasaqtalǵan qujattar men derekter partııanyń qurylǵannan bergi qalyptasý, damý tarıhynan sanalýan syrlar shertedi. Munda kelýshiler Tuńǵysh Elbasymyzdyń eńbekterimen, basqa da qundy jádigerlermen keńinen tanysa alady.
Murajaıdyń tusaýkeser rásiminde oblystyq fılıaldyń alǵashqy jetekshisi, osy oqý ordasynyń dırektory Aleksandr Merk sóılep, elimizdiń áleýmettik-ekonomıkalyq, saıası-mádenı damýyna ólsheýsiz úles qosyp kele jatqan baspartııanyń orny men róline keńinen tolǵady.
«Bizdiń kolledjde partııanyń "Jas Otan" jastar qanaty jumys isteıdi. Stýdentterimiz ardagerlerge kómek kórsetip, túrli sharalarǵa qatysyp turady», dedi ol.
«Nur Otan» HDP SQOF tóraǵasynyń birinshi orynbasary Artýr Moldaǵulovtyń aıtýynsha murajaıdyń ashylýy elimiz ben bas partııamyzdyń damý kezeńderimen, tarıhymen jete tanysýǵa múmkindik beredi. Partııa músheleri men jastar úshin mańyzdy oqıǵa, ónege alarlyq taǵylym bolyp sanalady.
Basqosýda saıası uıymnyń qurylýyna úles qosqan ardagerlerimiz týraly da aıtyldy.
Osynda «dóńgelek ústel» uıymdastyrylyp, partııanyń kún tártibindegi josparlary men aldaǵy maqsattar talqylandy.
О́mir ESQALI,
«Egemen Qazaqstan»
