Kásiporynnyń bas dırektory Sábıt Ahmetovtyń sózine qaraǵanda jańǵyrtý jumystaryna 11 mıllıard teńge baǵyttalyp, zamanaýı qural-jabdyqtar men qondyrǵylar satyp alynǵan. Qazirgi ýaqytta zaýytqa keletin tasjol men Taıynsha stansasyna deıingi temir jol jóndeldi. Endi bıoetanol óndirisi tehnologııasyn jetildirý sharalary qyzý júrgizilýde. Jobanyń jyldyq qýaty 250 myń tonna astyqty qaldyqsyz óńdeýge arnalǵan. Kezeń-kezeńmen júzege asyrylatyn joba boıynsha dıirmen kesheni, elevator, birneshe seh iske qosyldy. Sóıtip qosymsha eki júz jumys orny quryldy.
Taıaý arada glıýten men balaýyz ónidirisi paıdalanýǵa beriledi. Jyl sońyna deıin bıdaıdan otyndyq bıootyn alý maqsatymen negizgi ónim bıoetanol óz tutynýshylaryna jol tartady.
О́mir ESQALI,
«Egemen Qazaqstan»
