Kezdesýde Nursultan Nazarbaevqa óńirdiń áleýmettik-ekonomıkalyq damýy jáne Kaspıı mańy memleketteri basshylarynyń sammıtine daıyndyq barysy jóninde esep berildi.
Qazaqstan Prezıdenti sammıtti ótkizýge tyńǵylyqty daıyndalý qajettigin aıtty.
– Aqtaýda bes eldiń delegasııalary qatysatyn Kaspıı mańy memleketteri basshylarynyń sammıtin ótkizý josparlanýda. Osy kezdesýge qatysty barlyq uıymdastyrý máselelerin pysyqtaý kerek, – dedi Nursultan Nazarbaev.
Sonymen qatar Eraly Toǵjanov óndiris, qurylys, aýyl sharýashylyǵy jáne ınvestısııa tartý salalaryndaǵy memlekettik jáne salalyq baǵdarlamalardyń júzege asyrylý barysyn baıandady.
– Negizgi ekonomıkalyq kórsetkishterdiń ósimi baıqalyp otyr. Sizdiń qoıǵan mindetterińizdiń bári iske asyrylýda. 2017 jyldyń qorytyndysy boıynsha óńirdegi óndiristiń kólemi 100,1 paıyzǵa jetti, – dedi Mańǵystaý oblysynyń ákimi.
Kezdesý sońynda Memleket basshysy birqatar naqty tapsyrma berdi.
