Respýblıka ortalyǵynan jetkizilgen arnaıy vaksına 50 adamǵa jetedi. Ekpe oblys boıynsha bir ǵana mekemede - Qyzylorda qalasyndaǵy №6 emhanada jasalýda. Búginde ony eki adam qabyldady.
Menıngıt ınfeksııasy aýa tamshylary arqyly taralatyny belgili. Sol sebepti qaterli dertten ekpe saldyrý arqyly qorǵanýǵa bolady. Aıta keteıik, Qyzylorda oblysynda atalmysh dertke qarsy vaksınasııa alǵash ret qolǵa alynyp otyr. Jumystardy arnaıy ınfeksıonıst maman qadaǵalap otyrady.
«Múmkindiginshe ekpe saldyrǵan durys. Menıngıtke qarsy vaksına bir aıdyń ishinde dertke qarsy ımmýnıtet qalyptastyrady. Sol sebepti ýaqytty tıimdi paıdalanǵan jón. Dál qazir emhanamyzǵa 50 ekpe jetkizildi. Qajet bolyp jatsa, qosymsha taǵy da aldyratyn bolamyz», - dedi №6 emhananyń bas dárigeri Janat Qojarıpova.
Ekpeni salý aqyly túrde júrgiziledi. Onyń quny - 23 000 teńge.
«О́zge óńirlermen salystyrǵanda Qyzylordada vaksına baǵasy áldeqaıda arzan. Biz turǵyndarǵa yńǵaıly bolý úshin osy baǵany bekitýdi jón sanadyq. Aldaǵy ýaqytta múmkindik bolyp jatsa, taǵy da arzandatpaqpyz», - dedi bas dáriger.
