I. Mıroshıch Astanada aıaqtalǵan Saýda-ekonomıkalyq yntymaqtastyq jónindegi úkimetaralyq komıssııanyń qorytyndylary, bilim berý, kıber qaýipsizdik jáne basqa salalar boıynsha qol jetken kelisimder týraly áńgimeledi. «Biz budan bylaıǵy nátıjeli yntymaqtastyq úshin berik quqyqtyq negizderdi qalyptastyrǵymyz keledi», - dedi ol.
Slovenııa SIM Memlekettik hatshysy óz elindegi ishki saıası jáne ekonomıkalyq jaǵdaı týraly senatordy habardar etip, bıyl Slovenııanyń ekonomıkalyq ósimi 5 paıyzdy quraǵanyn atap ótti. Bul kórsetkish boıynsha ol el Eýropalyq Odaqta ekinshi oryn alady eken. Slovenııa ınnovasııa, telekommýnıkasııa, aqparat salalary men blokcheın tehnologııa negizindegi úzdik startap jónindegi tájirıbelerimen bólisýge ázir.
D.Nazarbaeva Eýrazııalyq ekonomıkalyq odaqtyń qurylýyna baılanysty jańa múmkindikter týraly aıta kelip, slovenııalyq áriptesterge Qazaqstanda EAEO naryqtary men Ortalyq Azııa jáne Qytaıǵa shyǵatyn joǵary tehnologııalyq birlesken kásiporyndar qurýdy usyndy.
Slovenııa Parlamentimen yntymaqtastyq jónindegi Senat komıtetiniń jetekshisi D.Nazarbaeva parlamentaralyq únqatysýdy nyǵaıtý qajettigin atap ótti jáne slovenııalyq áriptesterdi Qazaqstanǵa saparlap kelýge shaqyrdy.
Taraptar týrıstik saladaǵy yntymaqtastyqtyń keleshegin de talqylady. Slovenııa azamattary úshin «Silk viza» engizilýine baılanysty Ortalyq Azııada jańa týrıstik baǵdarlar ashylatyn bolady, «Silk viza» týraly D.Nazarbaeva burnaǵy kúni ózbek áriptestermen kezdesýde aıtqan bolatyn. Qazaqstan azamattary úshin Slovenııada keńinen qanat jaıǵan velosıped týrızmin damytý tájirıbesi qyzyqty bolary sózsiz.
