Zań jobasynyń maqsaty zııatkerlik menshik calasyndaǵy zańnamany odan ári jetildirý, onyń nysandaryn tirkeý rásimderin ońaılatý, quqyqtyq olqylyqtardy joıý, sondaı-aq zııatkerlik menshikti qorǵaý salasynda ákimshilik kedergilerdi týyndatatyn erejelerdi alyp tastaý bolyp tabylady.
Zań jobasymen birqatar zańdarǵa ózgerister men tolyqtyrýlar engiziledi.
Qujatpen taýar belgilerine quqyqtar buzylǵan kezde zalaldy óteýdiń ornyna ótemaqy tóleý ınstıtýty engiziledi. Quqyq ıelenýshiniń quqyqtary buzylǵan jaǵdaılarda, buzýshylyqtyń sıpatyn, birtektes taýarlardyń naryqtyq qunyn negizge ala otyryp, ol zalaldy óteýdiń ornyna talap etýge quqyly ótemaqynyń sot belgileıtin mólsherin aıqyndaý usynylady.
Sonymen qatar, Zań jobasymen taýar belgilerine ótinimder saraptama uıymyna kelip túsken kezden bastap olardy mindetti túrde jarııalaý týraly jańa ereje engiziledi.
Zań jobasy Palatanyń qaraýyna jiberildi.
