- Elbasy búkil dúnıe júziniń qaıratkerler qatysqan ekonomıkalyq forýmda Shymkent qalasyn mıllıondy qala dep jarııalady. Al shymkenttikter respýblıkalyq statýs ıelený bastamasyn óte qyzý qarqynmen qoldady. 2017 jyldyń qorytyndysyna sáıkes oblys ortalyǵynyń turǵyndary 39 myń adamǵa ósti. Munyń 18 myńy ishki kóshi-qon esebinen júzege asqan. Al qalanyń mıllıonynshy turǵyny mamyr aıynda dúnıege kelgen bolatyn. Ol azamatsha - Elamanova Aısulý jas otbasynyń birinshi perzenti. Kishkentaı náreste deni saý, eline eleýli, halqyna qalaýly qyz bolyp ósip, eldiń naǵyz patrıot azamatshasy bolsyn!,-dedi oblys ákimi.
Oılamaǵan jerden tula boıy tuńǵyshtarynyń arqasynda páterli bolǵan jas ata-ana Samat Elamanov pen Aıjan Ahaıbekova qýanyshtarymen bólisip, rızashylyqtaryn bildirdi.
– Bizge eń birinshi azamattyq hal aktilerdi tirkeý ornynan habarlasty. Olar qyzymyzdyń aty-jónin, salmaǵyn, kýáligin surady. Basynda «qyzymyz mıllıonynshy turǵyn bola qoıa ma eken?» dep senbeı, onsha úmittene qoımadyq. Biraq, keshe ákimdik qyzmetkerleri bizdiń qyzymyzdy mıllıonynshy qala turǵyny bolýymen quttyqtady. Shyny kerek, sonda ne isterimizdi bilmeı abdyrap qaldyq, -deıdi otaǵasy Samat Elamanov.
Aısulýdyń anasy Aıjan Hamıtqyzy – Shymkent qalasyndaǵy «Alfa bankte» menedjer bolsa, ákesi Samat Elamanov – Shymkent qalasynyń júıke aýrýlar aýrýhanasynda jumys isteıdi.
Aıta ketelik, bul páterdi óńirge belgili kásipker, qaıyrymdylyǵymen tanymal bolǵan mesenat, oblystyq máslıhat depýtaty Qaırat Moldaseıitov syıǵa tartty.
Erkin DOSYMBAI,
Ońtústik Qazaqstan oblysy
