Memleket basshysy Sheteldik ınvestorlar keńesiniń jumysyna qatysqany úshin Sýma Chakrabartıge rızashylyq bildirip, osyndaı eki jaqty kezdesýdiń dástúrli sıpat alǵanyn aıtty.
Qazaqstan Prezıdenti qazirgi ýaqytta elimizde birlesken ınfraqurylymdyq jobalardyń júzege asyrylyp jatqanyn atap ótti.
– Osy jyldar ishinde Qazaqstanǵa 7 mıllıard dollardan astam ınvestısııa tartyldy. Qazir sizder Qazaqstanmen yntymaqtastyqtyń elaralyq baǵdarlamasyn qabyldadyńyzdar. Iri ınfraqurylymdyq baǵdarlamalar iske asyrylýda. Shaǵyn jáne orta bıznestiń damýyna jol ashyp, agrarlyq keshendi qoldaý isi ózekti bolyp qala beredi, – dedi Nursultan Nazarbaev.
S.Chakrabartı Qazaqstanda ınvestısııalyq belsendilikti yntalandyrý úderisindegi Sheteldik ınvestorlar keńesi basqosýlarynyń tıimdiligi men mańyzdylyǵy jáne memleket pen bıznes arasyndaǵy syndarly dıalogtyń damýy jóninde aıtty.
