Sarapshylardyń pikirinshe, «Sý» sanatyndaǵy eń jaqsy brendter: 20 jyl boıy osy álemdik saraptamaǵa qatysyp kele jatqan Japonııa, ekinshi ret sapa synaǵynda baǵy janǵan Qazaqstan men alǵash ret ózin kórsetken Argentına memleketteri bolyp otyr.
2018 jyly saraptamadan álemniń 92 elinen 1000-nan astam óndiristik kompanııalarynyń 2 820 ónimi ótken. Monde Selection resmı marapattaý rásimin jyl saıyn ártúrli elderde ótkizedi. Bıylǵy jyly Valensııada (Ispanııa) ótti.
Tabıǵı sýdy saraptamada usynǵan, qazaqstandyq «AsiaWaters» kompanııasynyń qadaǵalaý keńesiniń múshesi, Shalqar Nurtileýov: «Japondyq ónimdermen básekelesde batyl bolý úshin óz ónimderińizdiń sapasyna senimdi bolýyńyz kerek. Sebebi Monde Selection saraptamasynyń negizgi sarapshylary – Mıshlen juldyzdaryn ıelengen aspazdar bolyp tabylady. Al ózderińiz biletindeı, Mıshlenniń úsh juldyzyn ıelengen álemdegi eń kóp meıramhanalar Japonııada ornalasqan. Iаǵnı olar birinshi orynda tur. Men japondyq áriptesterimnen jyl saıyn osy emtıhanǵa ne sebepti qatysatyndaryn suradym jáne bul saraptama olarǵa sapanyń joǵary dárejesin ustap turýǵa kómektesetindigin aıtty» deıdi.
Monde Selection saraptamasy 1961 jyldan beri jumys isteıdi. Oǵan qatysý jalpy derlik tegin, tek eger ónim jetistikke ıelenetin bolsa resmı marapattaý rásimine qatysý úshin aqy tóleý qajet bolady. Saraptamanyń dál osy jeri sarapshylarǵa qajetti obektıvtilik pen álemdik bedeldi ustap turýǵa múmkindik beredi. «MIShLEN» juldyzdary bar tanymal aspazshylardy, kásibı dıetologtar men somelelerdi qosa alǵanda, túrli salalardyń 80-nen astam táýelsiz sarapshylary jyl saıyn ártúrli kórsetkishter boıynsha álemniń 3 myńǵa jýyq brendterin baǵalaıdy. Sonyń ishinde, «sý» sanaty barlyq 80 kórsetkishter shkalasy boıynsha baǵalanady.
«Monde Selection» altyn marapatyn Býrabaı shıpajaıynyń jer asty ken oryndarynan alynatyn TURAN jáne QULAGER-BURABAY tabıǵı mıneraldy sýlary alyp otyr.
Aınash ESALI,
«Egemen Qazaqstan»
ALMATY
