Tasymaldaýshylardan jolaqy qunyn kóterý jónindegi ótinishterdiń túsýine naryqtaǵy janar-jaǵarmaı baǵasynyń turaqsyz ósýi, qosalqy bólshekter men servıstik qyzmet kórsetýdiń qymbattaýy, jańa avtokólik baǵasynyń, avtostansııalardaǵy jaldaý aqysynyń ósýi jáne sonyń saldarynan tasymaldaýshylardyń júris shyǵyndarynyń aqtalmaýy sebep bolǵan.
Qazaqstan Respýblıkasy Kólik jáne kommýnıkasııa mınıstriniń 2011 jylǵy 13 qazandaǵy «Turaqty marshrýttar boıynsha jolaýshylar men bagajdy tasymaldaý jóninde qyzmet kórsetýge tarıfter esepteý ádistemesin bekitý týraly» № 614 Buıryǵynyń 2-tarmaq 8-tarmaqshasynda: «Turaqty marshrýttarda jolaýshylardyń jol júrý quny, olarǵa baılanyssyz baǵa faktorlary boıynsha (otyn jáne jaǵarmaı materıaldarynyń, avtoshınalardyń, akkýmýlıatorlar men qosalqy bólshekter baǵasynyń qymbattaýy) tasymaldaýshylardyń naqty shyǵyny 10 %-dan artyq ózgergen kezde túzetiledi», ıaǵnı jol júrý quny qaıta qaralady delingen. Atalǵan zańnamaǵa sáıkes jáne tasymaldaýshylardan túsken ótinishterdiń negizinde Mańǵystaý oblystyq jolaýshylar kóligi jáne avtomobıl joldary basqarmasy Turaqty aýdanaralyq (qalaaralyq, oblysishilik) qatynastary tarıfteri jónindegi arnaıy Komıssııa qurdy.
Komıssııa músheleri oblysishilik turaqty jolaýshy tasymaly marshrýttaryna qyzmet kórsetýshi 8 tasymaldaýshynyń jolaqy qunyn kóterý jónindegi ótinishteri men anyqtamalaryn, tarıf esepteri men negizdemelerin ótkizilgen komıssııa otyrystarynda tıisti deńgeıde qaraǵan bolatyn. Ortaq daýys berý nátıjesinde komıssııa quramynyń jartysynan kóp bóligi (75%) turaqty jolaýshy tasymaly marshrýttarynyń tarıf qunyn kóterýdi qoldap, usynys berip, sheshim shyǵardy.
Turaqty aýdanaralyq (qalaaralyq, oblysishilik) qatynastary tarıfteri 1-qosymshadaǵy Oblystyq máslıhattyń 30.05.2018 j. № 19/239 sheshimimen kelisilip, Mańǵystaý oblysy ákimdiginiń 31.05.2018 j. №125 Qaýlysymen bekitildi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
