IT-tehnologııasyn damytýǵa arnalǵan sharaǵa kásipkerler palatasy, jastar resýrstyq ortalyǵy, bilim basqarmasynyń ókilderi qatysty
«Startap – bıznestegi jańa baǵyt, onyń maqsaty qysqa merzimde salynǵan ınvestısııanyń ornyn toltyryp, paıda tabý. Onyń ashylýy stýdentter men bıznes ókilderiniń arasynda tıimdi baılanys ornatyp, tyń ıdeıalar men ómirsheń jobalardy iske asyrýǵa múmkindikter týdyrady. Rýhanı jańǵyrý baǵdarlamasy kitaphanalardy sony baǵytta bilim alý ortalyǵyna aınaldyrý talabyn qoıyp otyr. Bul oraıda sıfrly Qazaqstan jobasy úlken mańyzǵa ıe», dedi óz sózinde oblys ákiminiń orynbasary Madııar Qojahmet.
«Profıt» fırmasynyń dırektory Anton Iýsıchevtiń aıtýynsha ortalyqtyń basty baǵyttarynyń biri– óz jobasyn iske asyra almaı júrgen jastarǵa kómek berý. Innovasııalyq jobalardy iske asyrý úshin 3D prınterleri, mıkrokompıýterler, joǵary tehnologııalyq zamanaýı qurylǵylar ornatylǵan. Aqyl-keńes qyzmetteri de kórsetiledi.
Eń bastysy, jastar úshin óte qolaıly bolmaq. Qazirdiń ózinde onyń kómegine júginýshiler kóp. Ozyq jobalardy iske asyrý arqyly ınvestısııa tartý, ınnovasııalyq baǵytty damytý joldary qarastyrylǵan.
О́mir ESQALI,
«Egemen Qazaqstan»
