Ult rýhanııatyna qosylǵan olja

Tórtkúl dúnıege Qazaq elin ta­ny­typ, qa­dirin arttyryp, memle­ke­ti­niń mereıin ósirip, dittegen jerinen kórinýge jol ash­qan eldigimizdiń 20 jyl­dyǵyna arnalǵan «Táýelsizdik tol­ǵaýy» atty ekinshi respýb­lı­ka­lyq konkýrstyń qo­ry­tyndysy shy­ǵyp, jeńimpazdary anyqtaldy. Júz­den júırik shyqqandardy marapattaý rásimi ótken aptanyń sońyna qaraı elordadaǵy Kú­lásh Baıseıitov atyn­daǵy Ulttyq opera jáne balet teat­rynda boldy. Ult rýhanııatyna olja bolyp qosylǵan shyǵar­ma avtorlaryn marapattaý rásimine eli­mizdiń kór­nekti mádenıet jáne óner qaı­ratkerleri qatysty. Konkýrstyń basty maq­satyna toqtala keter bol­saq, Otanymyzdyń operalyq, dramalyq teatrlary men konserttik uıymdarynyń repertýarlaryn Táý­elsiz memleketimizdiń jetistikterin beıneleıtin shyǵarmalarmen tolyqtyrý, kompozıtorlar men dramatýrgterge qoldaý kórsetý, buǵan qosa, olardy kórkem shyǵarmalar jazýǵa yn­talandyrý, talant­tardyń eńbekterin kópshi­likke tanytý, oryndaý­shy­lardyń shyǵarma­shy­lyq múmkindikterin keńeıtý jáne sheberlikterin arttyrý. Alǵashqy sózdi Mádenıet vıse-mınıstri Ǵ.Telebaev alyp, osydan eki jyl buryn ótken konkýrs­tyń jalǵasy bolyp sanalatyn bul shara aty aıtyp turǵandaı bıyl Táýel­sizdik taqyrybyna baǵyttal­ǵanyn, júldeger­lerdiń dıplomdar men aqshalaı syıaqymen marapattalatynyn, ozyq týyn­dylar­dyń eli­mizdiń jetekshi teatrlarynda qoıylý múm­kindigi bar ekenin alǵa tartty. Sóıtip, «Eń úzdik zamanaýı taqyryptaǵy án» nomın­a­sııasy boıynsha birinshi oryndy kompozıtor Serikjan Ábdinurov pen aqyn Seıfolla Ospannyń «Qut meken» degen áni jeńip alsa, ekinshi orynǵa «Dúnıe» týyndysy úshin Beıbit Birimǵazy (kompozıtor) Aıtmuhambet Qosjanov ıe boldy. Al «Horǵa arnalǵan eń úzdik shyǵarma» no­mı­nasııasy boıynsha birinshi oryndy «Otanym me­niń Qazaqstan» týyndysy úshin Robert Aıdos (kompozıtor), Qumarbek Sydyq alsa, ekinshi oryndy Jam­byl Jabaevtyń sózine jazylǵan kompozıtor Jo­laman Tursynbaev «Birligiń bolsyn, aǵaı­yn!» atty eńbegi úshin ıelendi. Sondaı-aq «Eń úzdik ope­ra­lyq shyǵarma» nomına­sııasy boıynsha qazaq óne­ri­niń aıtýly azamaty, jeztańdaı ánshi Bekbolat Tileýhan arqaly aqyn, marqum Erik Asqarovtyń só­zi­ne jazǵan «Aınalaıyn, Azatym» týyndysy úshin bas júldeni qanjyǵasyna baılasa, «eń úzdik dra­ma­lyq shyǵarma» nomınasııasy boıynsha bas júldeni «Ardager» pesasy úshin kórnekti jazýshy Tólen Áb­dik­uly aldy. Birinshi oryn «Shákárim» atty tý­yn­dysy úshin belgili rejısser Áýbákir Rahımovqa tıdi. Júldeger shyǵarmalardan oryndalǵan úzin­di­ler men kórinister kesh ajaryn asha tústi. Sondaı-aq Tal­ǵat Kúzembaev, Bolat Jomartov, Erlan Bilál, Mar­jan Arapbaeva jáne K.Baıseıitova atyndaǵy Ult­­­­­tyq opera jáne balet teatrynyń sımfonııalyq orkestri men hory, M.Áýezov atyndaǵy Qazaq dra­ma teatry, Qazaq ulttyq óner ýnıversı­te­tiniń «Ilıgaı» balalar hory kópshilikke erekshe kóńil kúı syılady. Ásem án, ádemi kórinistermen zal toly jurttyń mereıin ósirgen keshte belgili teatr synshysy Áshir­bek Syǵaı, ataqty óner jul­dyzdary Anatolıı Molodov, Bekbolat Tileýhan, Qazaqstannyń ha­lyq ártisi Gúljan Ás­pe­tovalar ulttyq rýha­nııa­ty­myzǵa qosylǵan qomaqty dúnıeler týraly jan-jaqty áńgime qozǵap, osynyń bárine Táýelsizdiktiń arqa­synda qolymyz jetip otyrǵanyna naqty my­­saldar keltirdi. Súleımen MÁMET.