Atalǵan is-sharaǵa Qazaqstannyń Belarýs Respýblıkasyndaǵy Elshiliginiń jáne Brest qalasyndaǵy Konsýldyǵynyń belsendi qoldaýymen qazaq dıasporasynyń ókilderi de qatysty. Búgingi tańda Belarýste qazaq etnosynyń 1500-den astam ókili bar.
Merekeniń mańyzdy oqıǵalarynyń biri qala ortalyǵynda ulttyq dıasporalar ókilderiniń dástúrli teatrlandyrylǵan qozǵalysy boldy. Ortalyq alańda sherýden keıin festıvaldiń saltanatty ashylý rásimi ótti. Festıvaldiń basty ereksheligi – qońalqalyq úı, onda árbir ult ókilderi kelýshilerdi óziniń dástúrleri men mádenıetimen tanystyrdy.
Qazaq aýlasynda festıval qonaqtaryna kóshpeli órkenıettiń jaýhary – kıiz úıdiń esigi ashyldy. Qonaqtar kıiz úıdiń ishki bezendirýi men, sondaı-aq onyń jınaý jáne taldaý erekshiliktirimen, qazaqtyń ulttyq oıyn-saýyq túrleriniń biri – altybaqanmen tanysty. Sonymen qatar, qonaqtar qazaq balalarynyń súıikti asyq oıyndarynyń birine qatysýǵa jáne ulttyq taǵamdardan dám tatýǵa shaqyryldy.
Festıvaldiń uıymdastyrýshylary ulttyq dıasporalardyń eń jarqyn jáne eń ásem kórinisin erekshe atap ótip, alǵash ret marapat taǵaıyndaýǵa sheshim qabyldady.
Festıvaldiń eki kúngi qorytyndysy boıynsha qazaq etnosynyń ókilderine XII ulttyq mádenıet festıvaliniń Gran-prı ıegeri ataǵyn berý jónindegi konkýrstyq komıssııanyń sheshimi qabyldandy.
