«Elderimiz arasyndaǵy dıplomatııalyq qarym-qatynas ornaǵan sátten bastap joǵary deńgeıdegi baılanystar ornap, saıası ózara senim nyǵaıa túsýde. Sonymen qatar «Bir beldeý, bir jol» jobasyn júzege asyrýdaǵy yntymaqtastyq ta tıimdi júzege asyrylyp, halyqaralyq arenadaǵy ózara is-qımyl da jandanyp otyr», - dedi kezdesý barysynda Sı Szınpın.
Sı Szınpın Qazaqstan men Qytaı jan-jaqty strategııalyq yntymaqtastyqty jandandyrýǵa basa nazar aýdaratyndyǵyn atap ótti.
«Qazaqstan - bizdiń mańyzdy kórshimiz, sondaı-aq yqpaldy óńirlik derjava. Bizdiń ekijaqty qarym-qatynasymyz dostas kórshiler arasyndaǵy qatynastyń úlgisine aınalyp otyr. Biz Qazaqstanmen adamzattyń ortaq taǵdyryn qurý jolynda alǵa qaraı birge ilgerileýge daıynbyz», - dedi QHR Tóraǵasy.
О́z kezeginde Qazaqstan Prezıdenti memlekettik saparmen kelýge shaqyryp, dostyq peıilmen qabyldap jatqan Qytaı tarapyna rızashylyǵyn bildirdi.
«Osy múmkinshilikti paıdalanyp, Búkilqytaılyq halyq ókilderi jıynynyń naýryzdaǵy sessııasynda joǵary memlekettik laýazymǵa qaıta saılanýyńyzben jáne Qytaı Kommýnıstik partııasynyń 19 sezin tabysty ótkizýińizben taǵy bir márte quttyqtaǵym keledi», - dedi Nursultan Nazarbaev.
Aıta keteıik, Elbasy Nursultan Nazarbaev Qytaıǵa memlekettik sapary aıasynda 10 maýsym kúni Sındao qalasynda ótetin Shanhaı yntymaqtastyq uıymyna múshe memleketter basshylarynyń keńesine qatysady dep kútilýde.
