Aıta keteıik, osy kúnderi Elbasy Nursultan Nazarbaevtyń Qytaıǵa memlekettik sapary ótýde. Búgin eki memleket basshylarynyń keńeıtilgen quramdaǵy kelissózderi ótti. Onyń qorytyndysy boıynsha birlesken málimdeme qabyldandy.
Munan bólek, qytaılyq áriptesterimen QR Qarjy mınıstri Baqyt Sultanov - úsh, Investısııalar jáne damý mınıstri Jeńis Qasymbek pen QR Premer-Mınıstriniń orynbasary-Aýyl sharýashylyǵy mınıstri О́mirzaq Shókeev eki-ekiden qujat rásimdedi.
Atap aıtqanda, Baqyt Sultanov QHR Bas keden basqarmasynyń basshysy Nı Iýefenmen QR Úkimeti men QHR Úkimeti arasyndaǵy ıadrolyq materıaldar, radıoaktıvti materıaldar, radıoaktıvti qaldyqtar men radıoaktıvti-qaýipti zattardyń zańsyz oryn aýystyrýyn boldyrmaý úshin ózara is-qımyl jónindegi kelisimge, Halyqaralyq damý jáne yntymaqtastyq agenttiginiń tóraǵasy Van Sıaotaomen QR Úkimeti men QHR Úkimeti arasyndaǵy jeńildikpen kredıt berý týraly ramalyq kelisimge, Qarjy mınıstri Lıý Kýnmen QR Qarjy mınıstri men QHR Qarjy mınıstri arasyndaǵy ózara túsinistik jáne yntymaqtastyq týraly memorandýmǵa qol qoıdy.
Al Jeńis Qasymbek Qytaıdyń Damý jáne reformalar jónindegi memlekettik komıtetiniń tóraǵasy He Lıfeemen eki vedomstvo arasyndaǵy óndiristik qýattar men ınvestısııalar salasyndaǵy qytaılyq-qazaqstandyq jospardy birlesip ázirleý jónindegi, ındýstrııalandyrý, ınvestısııa jáne olardy qalyptastyrý tetikteri salasyndaǵy birlesken jobalar tizbesin bekitý jónindegi ózara túsinistik memorandýmdaryn bekitti.
О́mirzaq Shókeev Bas keden basqarmasynyń basshysy Nı Iýefenmen Qazaqstannan Qytaıǵa eksporttalatyn sıyr etine ınspeksııalyq, karantındik jáne veterınarlyq-sanıtarlyq talaptar jónindegi, jońyshqa tuqymy eksportyna sanıtarlyq jáne fıtosanıtarlyq talaptar hattamalaryna qol qoıdy.
