Mańyzdy sharaǵa Memlekettik hatshy Gúlshara Ábdiqalyqova qatysty. Sondaı-aq forým jumysyna ulttyq jáne álemdik sarapshylar, ǵylymı qyzmetkerler, memlekettik organdardyń, jumys berýshilerdiń, bilim salasyndaǵy qoǵamdyq birlestikterdiń ókilderi, sondaı-aq álemniń 15 elinen, atap aıtqanda, AQSh, Reseı, Qytaı, Ulybrıtanııa, Koreıa Respýblıkasy, Aýstralııa syndy elderden 150-den astam delegat qatysty.
G.Ábdiqalyqova quttyqtaý sózinde bıylǵy forýmnyń Qazaqstannyń sımvoly – Astananyń 20 jyldyq mereıtoıy qarsańynda ótkizilip otyrǵanyn aıtty. Elbasynyń bilim berý júıesiniń jan-jaqty damýyna aıryqsha kóńil bóletinin atap ótken ol, Nursultan Nazarbaevtyń «Men árdaıym sizderdiń bilim alýlaryńyz ben damýlaryńyz úshin qajetti barlyq jaǵdaıdy jasaýǵa tyrysyp kelemin. Álemdik deńgeıdegi ýnıversıtet, zııatkerlik mektepterin ashtym, «Bolashaq» baǵdarlamasyn bekittim», degen sózine toqtaldy.
«Nazarbaev Ýnıversıteti – elimizdiń mańyzdy ulttyq jobasy. Osy oqý orny ashylǵannan beri onyń qabyrǵasynan 2 myńǵa jýyq maman túlep ushty. Ýnıversıtet bıohımııalyq jáne ıadrolyq ınjenerııa, robot-tehnıka, mehatronıka jáne basqa da sırek baǵyttar boıynsha kadrlar daıarlaıdy. Munda álemniń túkpir-túkpirinen kelgen úzdik oqytýshylar jumys isteıdi jáne eń zamanaýı materıaldyq-tehnıkalyq quraldarmen, zerthanalarmen jabdyqtalǵan. Azııadaǵy basqa da elderdiń 14 jetekshi ýnıversıtetteriniń qataryna qosyldy. Joǵary oqý oryndary keleshekte eńbek naryǵyndaǵy básekege tótep berý úshin, bilimniń úzdik baǵdarlamalary boıynsha oqytylǵan jańa formattaǵy mamandardy daıarlaýǵa tıis», dedi Memlekettik hatshy.
G.Ábdiqalyqova jıynǵa qatysýshylardyń syndarly suhbat quryp, tabysty jumys isteýine tilektestigin bildirdi. Negizgi plenarlyq otyrys akademııalyq ortanyń ártúrli aspektilerin, solardyń ishinde zamanaýı bilim berý júıesiniń artyqshylyqtary men kemshilikterin, zertteýlerdiń shekterin keńeıtýdiń ońtaıly tásilderin, stýdenttermen ózara qatynasýǵa baǵyttalǵan jańa amaldardy qamtydy.
Keleli keńesti júrgizip otyrǵan Nazarbaev Ýnıversıtetiniń rektory Shıgeo Katsý atap ótkendeı, eki kúndik májilis kezinde joǵary bilim salasynyń san alýan ózekti máseleleri talqylanady. «Joǵary bilim berý salasynyń damýyna, stýdent jastardyń daǵdylaryn damytýdyń tyń joldary jónindegi suraqtar osy alańda keńinen talqylanady dep kútemiz. Árıne osy oraıda Nazarbaev Ýnıversıtetiniń tájirıbesi de keńinen zerdelenedi. Qazirgi zamanda biz barlyq ózgeristerdi baqylap otyrýymyz qajet», dedi Sh.Katsý.
Sonymen qatar ENELF barysynda Nazarbaev Ýnıversıtetiniń tehnoparki bazasynda iske asyrylǵan ınnovasııalyq ekojúıeni damytý salasyndaǵy Nazarbaev Ýnıversıtetiniń tájirıbesimen tanystyratyn kórme usynyldy.
Forýmda sóz alǵan halyqaralyq sarapshy Djamıl Salmı óz kezeginde bolashaqta álem boıynsha joǵary bilim berý salasynyń qalaısha ózgeretinine boljam jasady. Sarapshynyń oıynsha, memlekettik ýnıversıtetterdi bıýdjet tarapynan qarjylandyrý kólemi azaıýy ábden múmkin. Alaıda osy sanattaǵy joǵary oqý oryndary jekemenshik qarajatty kóptep tartatyn bolady. Sonyń arqasynda rektorlar men ǵalymdardyń jalaqysy ósýi múmkin. «Bolashaqta árbir úsh jyl saıyn oqý baǵdarlamasyn qaıta qaraýǵa týra keledi. Sebebi sabaqtardyń bári 10 mınýttan aspaıdy. Barlyǵy onlaın rejimde ótedi. Ýnıversıtetti qurý da qıynǵa túspeıdi. О́ıtkeni oqýlyqtar, kitapxanalar, tipti zertxanalar elektrondy formatta jumys isteıdi. Stýdentterge sıfrly júıemen baǵa qoıylady. Kóp nárse blokcheınge negizdeledi. Sosyn keleshekte ýnıversıtetti bitirgen jas maman alty aıdyń ishinde jumys tappasa, joǵary oqý orny onyń oqýǵa jumsaǵan aqshasyn qaıtarýǵa májbúr bolady», deıdi D.Salmı.
Aıta keteıik, ENELF atalmysh ýnıversıtette jyl saıyn ótetin jáne búkil álemde joǵary bilim berý kóshbasshylarynyń aldynda turǵan máseleler boıynsha pikir almasatyn, bilim berý salasyndaǵy múddeli tulǵalardy biriktiretin alań.
Mıras ASAN,
«Egemen Qazaqstan»
