Meıvezerge álemniń eń joǵary tabysty sportshysyna aınalýǵa bir ǵana jekpe-jek jetkilikti boldy. Onyń MMA juldyzy Konor Makgregormen ótken kezdesýi uıymdastyrýshylarǵa 550 mıllıon dollar tabys túsirdi. Floıd 275 mıllıon dollar jınap birinshi orynda tursa, Konor 85 mıllıon dollarmen 24-orynnan 4-orynǵa kóterildi.
Jańa kelisimshartqa baılanysty brazılııalyq aıaqdopshy Neımar (PSJ) men ulttyq fýtbol lıga oıynshylary Mett Raıan («Atlanta Felkons») jáne Mettıý Stafford («Detroıt Laıons») reıtıngte alǵa jyljydy.
«Vashıngton» klýbynyń rekordyn qaıtalady
Shaıbaly hokkeıden Stenlı Kýbogy fınalyndaǵy «Vegas Golden Naıts» pen «Vashıngton Kepıtalz» arasyndaǵy tórtinshi match aıaqtaldy (0:4). Amerıkalyq Djon Karlson qorǵaýshylar arasyndaǵy rekordty qaıtalady. Karlson 99 matchta 54 (18+36) upaı jınady. Osyǵan deıin bul rekordty shved qorǵaýshysy Kalle Iýhansson jasaǵan bolatyn. Al Skott Stıvens 67 matchta 53 (9+44) upaı jınap úshinshi orynda tur.
Tennıstiń sheshimin tergeýshiler shyǵarady
Belgııa polısııasy kelisimmen ótken tennıs matchynyń 13 uıymdastyrýshysyn ustady. Prokýratýra olardan para aldy dep kúdiktenýde. Resmı málimetke súıensek «armıan-belgııalyq qylmystyq top» 2014 jyldan beri jumys istegen. Tergeýshiler qylmystyq top kásibı oıynshylardy satyp alyp, sodan keıin belgili nátıjege bás tikken degen sheshimge keldi. Osyndaı izdeý jumystary AQSh, Germanııa, Fransııa, Gollandııa jáne Bolgarııada júrgizilip jatyr.
Daıyndaǵan
Yrysty Qadirbek,
EUÝ stýdenti
