Halyq batyrlary eskertkishi Qytaıdyń ulttyq monýmenti sanalady. Eskertkish HIH-HH ǵasyrlarda ómirin Qytaı halqynyń revolıýsııalyq kúresine arnaǵan batyrlardy máńgi este saqtaý maqsatynda 1949 jyly 30 qarashada Qytaı halyqtyq saıası-konsýltatıvtik keńesiniń birinshi jalpy otyrysynda qabyldanǵan qarar negizinde salynǵan. Joba avtory - Lıan Sychen. Degenmen eskertkishtiń keıbir elementterin onyń jubaıy Lın Hýeıın qosqan.
Qurylys jumystary 1952 jyldyń tamyzynan 1958 jyldyń mamyryna deıin júrgizilgen. Monýmenttiń bıiktigi keıbir baǵalaýlarǵa qaraǵanda shamamen 37,94 metrdi quraıdy. Al aýmaǵy 3 myń sharshy metrdi alyp jatyr. 17 myń mármár jáne granıt bloktardan turǵyzylǵan eskertkishtiń salmaǵy 10 myń tonna.
