«Tyń jobada sotqa shaǵymdanýshy adamdardyń psıhologııadyq jaǵdaıy jan-jaqty eskerilip, kabınet ishi ashyq tústi, kelisim ústeli dóńgelek etip jasalǵan. Endigi is apellıasııalyq satyda qaralmastan buryn sýdıa taraptardy tatýlastyrýǵa tyrysady. Bul úrdister birinshi satydaǵy sottarda 5 kún, apelıasııalyq sottarda 10 kún ishinde qaralatyn bolady»,deıdi oblystyq sottyń tóraǵasy Erlan Aıtjanov.
Sýdıa, medıator Sáken Tilegenov ózine zor jaýapkershilik júktelip otyrǵanyn jetkizdi. Onyń aıtýynsha medıasııa — úshinshi, beıtarap, ádil, janjal nátıjesine múddeli emes taraptyń qatysýymen ótetin, daýlardy retteýdiń balamaly jańa túri. Ony júrgizý qaǵıdattary eriktilik, ózara syılasýshylyq, taraptardyń teń quqylyǵy, medıatordyń beıtaraptyǵy men ádildigi, rásimniń ashyqtyǵyna negizdeledi. Sot óndirisinen aıyrmashylyǵy «kánililer» men «kinásizder» degen taraptar bolmaıdy. Daýlasýshy eki jaq tatýlastyrýshy nemese medıatordy ózderi tańdaýǵa tolyq quqyly. Osy sebepti barlyq deńgeıdegi sottarda kezekshi medıatorlar jumys isteıdi.
Medıasııa azamattyq, eńbekke qatysty, otbasylyq jáne basqadaı quqyqtyq qatynastarǵa baılanysty, sondaı-aq aýyrlyǵy shaǵyn jáne ortasha qylmystyq ister jóninde týyndaǵan daýlarda da qoldanyla alady.
Búgingi tańda oblystyq sotta medıasııanyń kómegimen 14 daýly is sheshimin tapqan.
О́mir ESQALI,
«Egemen Qazaqstan».
