Oblys ákimi jarty jyl buryn ulttyq deńgeıdegi mundaı aýqymdy jobanyń mánin qazaqstandyqtardyń bári birdeı túsine bermegenin, alaıda az ýaqyttyń ishinde ol naqty nusqasyna ıe bolǵanyn aıtyp ótti. Búgingi kúni Qaraǵandy oblysynda Baǵdarlamada bekitilgen barlyq alty arnaıy joba boıynsha belsendi jumys júrgizilip jatyr.
Máselen, óńirde ár túrli 456 joba jasalǵan, olardyń jartysy endigi iske asyrylyp qoıǵan. Málimdelgen jobalardyń jalpy quny 13 mıllıard tan asa teńge, onyń ishinde shamamen 5 mlrd. – demeýshiler men mesenattar esebinen.
Baǵdarlama sheńberinde Qaraǵandy oblysynda Azamattyq bastamalar kúni uıymdastyryldy, ol óńirimizdiń kez-kelgen turǵynyna ómirdiń sol nemese basqa da salasyn qalaı jaqsartýǵa bolatyny týraly naqty usynystarmen kelýge múmkindik beredi. Bul aksııa qaraǵandylyqtardyń úlken qyzyǵýshylyǵyna ıe bolǵanyn aıta ketken jón. Oǵan qosa, taǵy bir qyzyqty joba ázirlenip jatyr – Igi ister korporasııasy mobıldi qosymshasy, onyń kómegimen kez-kelgen adam qalaýy boıynsha telefonnan naqty qaıyrymdylyq jobalaryna azdaǵan soma jibere alady.
Erlan Qoshanov óńir turǵyndary Prezıdenttiń «Týǵan jer» bastamasyn da nyq senimmen qabyldaǵanyn aıtty.
- belsendiler, qoǵamdyq uıymdar, bıznes-qoǵamdastyq ókilderi ishinen shyqqan naǵyz azamattar bul úrdisten tys qalǵan joq. Olardyń qatysýymen qalalarda, aýdan ortalyqtarynda jáne aýyldarda tek bir jyldyń ishinde 76 áleýmettik nysandar salynyp, jóndeýden ótti.-, dep aıtty óńir basshysy.
Ulytaýdaǵy sakraldy nysandarǵa kirme joldar salý jumysy júrip jatyr. Týrıstik ınfraqurylymdy jaqsartý úshin quny 718 mln. teńge bolatyn Sapar-ortalyq salý josparlanǵan, ol týrısterge óńir týraly, jolbaǵyttar, ornalasý oryndary jáne t.b. týraly barlyq qajetti aqparatty alýǵa múmkindik beredi. Sonymen birge, jeke ınvestısııalar esebinen Ulytaýda Etnoaýl salynatyn bolady. Bul jobanyń quny 150 mln. teńgeni quraıdy.
Bıylǵy jyly «Rýhanı jańǵyrý» baǵdarlamasy sheńberinde oblysta «Jez kıik» halyqaralyq etnostyq mýzyka festıvali ótkiziledi, oǵan Qytaıdan, Meksıkadan, Perýden, Túrkııadan, Tádjikstannan, Polshadan, Fransııadan, Shotlandııadan jáne Japonııadan keletin toptar qatysady. Uly oıshyl Buqar jyraý Qalqamanulynyń 350 jyldyǵyna arnalǵan saltanatqa jan-jaqty daıyndyq júrip jatyr.
Oblysta taıaý kúnderi elimizdegi alǵashqy Uly dala muragerleri forýmy ótti, oǵan 4 myńnan asa oqýshy qatysty. Bıylǵy oqý jyly boıy Qaraǵandy, Atyraý, Taldyqorǵan NZM muǵalimderi Jezqazǵan-Ulytaý óńiriniń qarapaıym orta mektepterine óz tájirıbelerin berdi. Kelesi oqý jylynda Jezqazǵan óńiriniń mektepteri NZM baǵdarlamasy boıynsha óz betinshe jumys isteıtin bolady.
О́z baıandamasyn aıaqtaı kele, Erlan Qoshanov:
- barlyq is-sharalar men jobalar, osynaý barlyq sıfrlar men kórsetkishter syrtynda mesenattarymyzdyń, jerlesterimizdiń úlken jumysy tur. Azamattardyń árbir balalar alańy, árbir nysan syrtynda tiri adam turǵanyn bilýi kerek. Ol adamdar týraly aıtý kerek. Bizdiń oblysymyzda sondaı jomart jandardyń óte kóp ekeni meni qýantady.
«Rýhanı jańǵyrý» baǵdarlamasy aıasyndaǵy jumys jalǵasatyn bolady.
