Bul jerlesimiz úshin bıylǵy maýsymdaǵy alǵashqy jarys edi. Biraz ýaqyt jarys jolyna shyqpaǵan Olga Rypakovanyń áli babyna kele qoımaǵany Osloda anyq baıqaldy. Úsh qarǵyp sekirý jattyǵýynda 14 metr 12 santımetrlik kórsetkishpen ol altynshy orynda qalyp qoıdy. Bul básekede bas júlde kolýmbııalyq Katrın Ibargýenge buıyrdy. Rıo Olımpıadasynyń jeńimpazy 14 metr 89 santımetrge sekirdi. Ekinshi jáne úshinshi oryndardy amerıkalyq Torı Franklın men ıamaıkalyq Kımberlı Ýılıams ıelendi.
«Gaýhar lıgasynyń» altynshy kezeńi endi 10-maýsymda Shvesııanyń bas shahary – Stokgolmde ótedi. Sol jarysta da Olga Rypakova baq synaıdy. Al 30-maýsymda aıtýly doda Parıjde jalǵasady.
Ǵalym SÚLEIMEN,
«Egemen Qazaqstan»
