Respýblıkalyq balalar baıqaýyna 300-ge jýyq sýretshi jetkinshek qatysty. Olardyń 50-i ǵana úzdik atanyp, 8 bala júldeli oryndarmen marapattaldy. Bas júldeni D.Stavnıchaıa men V.Kavarentka ıelense, júldeli birinshi oryndy O.Bespalova men A.Panomorenko aldy. Ekinshi oryndy D.Seıvýhına men B.Beısembekova aldy. Al úshinshi oryn M.Qaıratova men A.Snelhanovaǵa buıyrdy.
«Bizdiń kompanııamyz Qazaqstanǵa shırek ǵasyr buryn keldi jáne táýelsiz memleketke qoldaý kórsetken, senim bildirgen birinshi iri batystyq ınvestor boldy. Bizdiń iri áleýmettik jobalarymyzdyń biri jas urpaqty ekologııalyq qundylyqtarǵa óner arqyly baýlý bolyp tabylady. Biz búgin tamashalap otyrǵan sýretterde balalardyń qorshaǵan ortanyń sulýlyǵyn, Qazaqstan halqymyzdyń mádenıetin beıneleýge qushtarlyǵyn anyq kórip otyrmyz», dedi «Shevron» kompanııasynyń ókili Leıla Aıtmuhanova.
Baıqaýǵa qatysýshylar beıneleý quraldarmen qorshaǵan álemdi, ıaǵnı týǵan tabıǵattyń sulýlyǵyn, súıikti qalasyn, jetistikterin, Qazaqstannyń barlyq qazaqstandyqtar úshin ortaq úı dárejesin kórsetýge tyrysqan.
Baıqaý aıasynda beıneleý jáne dekoratıvti–qoldanbaly óner, músin jáne qysh boıynsha sheberlik–klastar, elordanyń ásem de saltanatty oryndarymen tanysý jáne Ulttyq mýzeıge, «Máńgilik el» saltanatty arkasyna barýmen ekskýrsııalar jáne t.b. qyzyqty sharalar júzege asyryldy.
Mırajan Mahan,
L.N.Gýmılev atyndaǵy EUÝ,
Jýrnalıstıka jáne saıasattaný fakýltetiniń 1 kýrs stýdenti
