Kezdesý barysynda Memleket basshysy Qytaı Halyq Respýblıkasy Qazaqstannyń mańyzdy strategııalyq áriptesteriniń biri bolyp sanalatynyna toqtalyp, eki el arasynda tarıhı turǵydan dostyq jáne senimdi qarym-qatynas qalyptasqanyn aıtty.
– Qytaı Qazaqstanǵa tikeleı ınvestısııa quıý kólemi jóninen 4-oryndy ıelenedi. 2017 jyly eki el arasyndaǵy taýar aınalymy 10,5 mıllıard dollar boldy. Bul jerdegi ósim – 33 paıyz, – dedi Qazaqstan Prezıdenti.
Nursultan Nazarbaev Qazaqstannyń munaı-gaz, hımııa jáne tamaq ónerkásibinde, sondaı-aq bank, mashına jasaý, logıstıka jáne basqa da salalarynda Qytaı kapıtalynyń qatysy bar 1200 kásiporyn jumys isteıtinin atap ótti.
– Búgin eki eldiń 300-den astam bıznes ókilderi qatysqan Iskerlik keńes ótti. 13 mıllıard dollardan astam qarjy kólemindegi 40-qa jýyq kommersııalyq qujatqa qol qoıyldy. Sonymen qatar, ındýstrııalandyrý jáne ınvestısııa salalaryndaǵy yntymaqtastyq aıasynda jalpy somasy 28 mıllıard dollar kólemindegi 51 jobanyń tizimi jasaldy, – dedi Qazaqstan Prezıdenti.
Memleket basshysy kezdesýge qatysyp otyrǵan kásipkerlerge Qazaqstannyń geosaıası turǵydan utymdy ornalasqany jáne osy faktorǵa baılanysty onyń bıznes jasaýdaǵy artyqshylyǵy jóninde aıtty.
– Qazaqstan – 180 mıllıonnan astam turǵyny bar, kedendik shekarasy joq Eýrazııalyq ekonomıkalyq odaqtyń múshesi. Qazaqstan aýmaǵy arqyly Qytaı men basqa da Azııa elderin Reseı, Kaspıı teńizi, Qara teńiz, sondaı-aq Iran jáne Túrkııa arqyly Eýropamen baılanystyratyn 5 temir jol jáne 6 halyqaralyq avtomobıl joly ótedi. Bul júkti Qytaıdan Qazaqstan arqyly Eýropaǵa jáne keri qaraı 15 kúnde jetkizýge múmkindik beredi. Al, júk teńiz jolymen jetkiziletin bolsa, 2-3 ese kóp ýaqyt keter edi, – dedi Nursultan Nazarbaev.
Sonymen qatar, Qazaqstan Prezıdenti kezdesýge qatysýshylardyń nazaryn ınvestısııalyq tartymdylyqty arttyrý jáne bıznes ortasyn jaqsartý úshin qoldanylyp jatqan sharalarǵa, atap aıtqanda, kásipkerlik salasyndaǵy zańnamanyń jetildire túskenine, Sheteldik ınvestorlar keńesiniń, «Qazaq Invest» jáne «Qazaq Eksport» ulttyq kompanııalarynyń qurylǵanyna, shetelden jumys kúshin tartý jáne jer qoınaýyn paıdalaný úshin lısenzııa alý men kelisimder jasaý rásiminiń jeńildetilgenine, sondaı-aq 11 arnaıy ekonomıkalyq jáne 24 ındýstrıaldy aımaqtyń jumysyna qatysýshylar úshin salyq jeńildikteri men artyqshylyqtar belgilenip otyrǵanyna aýdardy.
– Bizdiń elde agroónerkásip keshenin damytý baǵdarlamasy jáne «Sıfrlyq Qazaqstan» arnaıy memlekettik baǵdarlamasy júzege asyrylýda. Týrıstik salany damytý tujyrymdamasy qabyldandy. Biz iri kompanııalarymyzdyń Gonkong jáne Shanhaı bırja alańdaryndaǵy IPO-ǵa shyǵý múmkindikterin qarastyrýdamyz. «EKSPO» kórmesiniń bazasynda «Astana» halyqaralyq qarjy ortalyǵy jumysyn bastady. Ol «jasyl» qarjy quralyn, ıslamdyq jáne ınnovasııalyq qarjy quraldaryn damytatyn óńirlik ortalyqqa aınalýǵa tıis. Qytaı kompanııalaryn osy aýqymdy jobalardy júzege asyrý isine atsalysýǵa shaqyramyn, – dedi Nursultan Nazarbaev.
Kezdesý barysynda Qytaıdyń jetekshi kompanııalarynyń ókilderi qazaqstandyq áriptesterimen bıznestegi baılanystaryn ornatýǵa zor múddelilik tanytty.
Kezdesý sońynda Memleket basshysy osyndaı basqosýlar eki el arasynyń jaqyndaı túsýine jáne ózara tıimdi áriptestiktiń nyǵaıýyna septigin tıgizetinin aıtty.
