Kezdesý barysynda tehnologııalyq jańǵyrtý, sıfrlandyrý, ekonomıkany odan ári ártaraptandyrý, kadrlardy daıarlaý jáne oblysta bıznesti damytý máseleleri talqylandy.
Premer-Mınıstr oblystyń «Prezıdenttiń bes áleýmettik bastamasyn» iske asyrý turǵysynan joǵary áleýetin atap ótti. Baqytjan Saǵyntaev «7–20–25» baǵdarlamasy aıasynda tıimdi sharttar boıynsha turǵyn úı satyp alý, shaǵyn nesıeler arqyly bıznesti damytý múmkindikterin, sondaı-aq, zamanaýı talaptarǵa saı, qoljetimdi sapaly bilim alý máselelerin túsindirip berdi.
Memleket basshysynyń tapsyrmalaryn iske asyrý turǵysynan óńirdi áleýmettik-ekonomıkalyq damytý, sonyń ishinde tórtinshi ónerkásiptik revolıýsııa, tehnologııalyq jańǵyrtý, sıfrlandyrý, ekonomıkany odan ári ártaraptandyrý, kadrlardy daıarlaý men qaıta daıarlaý, eńbek resýrstaryn basqarý, sondaı-aq óńirde básekelestik pen básekege qabiletti bıznesti damytý týraly Mańǵystaý oblysynyń ákimi E. Toǵjanov baıandady.
2017 jyldyń qorytyndysy boıynsha óńirde oń damý qarqyny baıqalady. О́nerkásiptik óndiris kólemi 96,9%-ten 100,1%-ke deıin ósti. Osy jyldyń bes aıynda bul kórsetkish 100,5% jetti.
2018 jyly 35 jańa ındýstrııalyq jobany iske qosý josparlanǵan, olar qosymsha 5 693 jańa jumys ornyn qurýǵa múmkindik beredi. Oblys ákimi asa iri jobalar retinde toqyma fabrıkasyn, gaz–bý qondyrǵysyn, Quryq aýylynda qýattylyǵy táýligine 50 myń tekshe metr sýdy quraıtyn teńiz sýyn tushylandyrý zaýytyn, «Emir Oıl» kompanııasynyń munaı jáne gaz daıyndaý keshenin atady.
Prezıdenttiń Bes áleýmettik bastamasyn iske asyrý aıasynda 2018 jyly 916 myń sharshy metr turǵyn úı paıdalanýǵa beriledi. Osylaısha turǵyn úıdi berýdiń jyl saıynǵy ósimi 10% quraıdy, 2025 jylǵa qaraı oblystyń árbir turǵynyna kórsetkish 30 sharshy metrdi quraıtyn bolady.
«7–20–25» baǵdarlamasy boıynsha oblystyń árbir turǵynyna 25 mln teńge kóleminde nesıe somasy bekitilgen. Stýdentterdi úı-jaımen qamtamasyz etý úshin memlekettik-jekeshelik áriptestik negizinde 2 600 orynǵa 6 jataqhana salynady. Búginde jer telimderi bólingen.
Júrgizilip jatqan tehnologııalyq jańǵyrtý men sıfrlandyrý týraly óziniń tájirıbesimen aımaqtaǵy iri kásiporyndardyń ókilderi bólisti: «Mańǵystaýmunaıgaz» AQ dırektor B. Imanbaev, «Qarajanbasmunaı» AQ vıse-prezıdenti N. Ábdirahmanov, «MAEK-Qazatomónerkásip» JShS bas dırektory Q. Ábdirásilov.
Sıfrlandyrýdy engizý taqyrybyn jalǵastyra otyryp, QR Premer-Mınıstriniń orynbasary A. Jumaǵalıev atalmysh baǵytta júrgizilip jatqan is-sharalar týraly aıtty. Memleket basshysy bekitken «Sıfrlyq Qazaqstan» baǵdarlamasy aıasynda kásiporyndardyń Indýstrııa 4.0 elementterin engizýge ázirligi baǵalanyp, júıeli kedergiler aıqyndaldy. Júıe qurýshy kásiporyndardy sıfrlandyrý boıynsha naqty jobalardy iske asyrýǵa qatysty jumystar júrgizilip jatyr.
2025 jylǵa deıin barlyǵy 146 mlrd teńge somasyna 14 jobany iske asyrý josparlanǵan. Iske asyrýdan ekonomıkalyq tıimdilik 2025 jylǵa deıin 280 mlrd teńge deńgeıinde kútilip otyr.
Sonymen qatar A. Jumaǵalıev sıfrlandyrýdyń arqasynda barlyq lısenzııalar men ruqsatnamalar elektrondy formatta rásimdeletinin aıtty, sonymen qatar azamattarǵa 40 mln jýyq anyqtamany usyný qajettiligi joıylady.
Osylaısha, memlekettik organdardyń qyzmetkerlerine qajetti aqparat avtomatty rejımde kórsetiledi.
Qatysýshylar kásipkerlik týraly jańa zańǵa erekshe kóńil bóldi. Máselen, qaıta retteý boıynsha jańa sharalarǵa «Caspian LPG» JShS dırektory D. Klınchev, «Salıýt jáne K» JShS dırektory H. Izmaılov jáne dırektor TOO «Iýnıtreıd» JShS dırektory B. Ysqaqov qoldaý bildirdi.
Zańda 20 baqylaý túri alynyp tastalyp, baqylaý fýnksııalary 30%-ke azaıady. Nátıjesinde bıznestiń baqylaý-qadaǵalaý júktemesi edáýir tómendeıdi. Sonymen qatar alýan túrli esepterdi tapsyrýmen baılanysty aqparattyq quraldar sany 30%-ke azaıady. Zań aıasyndaǵy taǵy bir jańashyldyq tabıǵı monopolııalar sýbektileri kórsetetin mindetti qyzmetterdi reformalaýǵa qatysty. Endi olar ár toqsan saıyn óziniń ınternet-resýrsynda bos jáne qoljetimdi qýattylyqtar, sondaı-aq ınjenerlik kommýnıkasııa shemalary týraly aqparatty jarııalap otyrýǵa mindetteledi.
Aǵymdaǵy jaǵdaı jáne aımaqta ShOB damytý perspektıvalary týraly sonymen qatar «Atameken» UKP basqarma tóraǵasy A. Myrzahmetov aıtyp berdi.
Kezdesý barysynda óz bastamalarymen ardager B. Turarbekov sóz sóılep, Mańǵystaý oblysynda densaýlyq saqtaý júıesin damytý máselelerine nazar aýdartty.
Kezdesýdi qorytyndylaǵan QR Premer-Mınıstri Baqytjan Saǵyntaev ózekti taqyryptar boıynsha bildirilgen usynystar men pikirlerdiń mańyzdylyǵyn atap ótti. Kásipkerlik qoldaýǵa baǵyttalǵan barlyq usynystar Úkimettiń erekshe baqylaýynda jáne bıznes qaýymmen birlese otyryp sheshiletin bolady.
