Halyq qalaýlylary perınataldyq , kardıologııalyq ortalyqtarda, № 3 aýrýhananyń juqpaly aýrýlar bólimshesinde bolyp, jaǵdaımen tanysty.
Perınataldyq ortalyq zamanaýı qural-jabdyqtarmen 76 paıyz jabdyqtalǵan. Munda jyl saıyn orta eseppen 5 myńǵa jýyq sábı dúnıege keledi.
Kardıologııalyq ortalyqta da qalyptasqan tájirıbeler az emes. Jylyna júrekke 600-ge jýyq ota jasalady.
«Nur Otan» partııasynyń «Qazaqstan–2021: Birlik. Turaqtylyq. Jasampazdyq» saılaýaldy baǵdarlamasynyń «Densaýlyq» baǵyty boıynsha ótken kóshpeli komıssııa májilisin ashqan Záýresh Amanjolova Elbasy Joldaýynan týyndaıtyn mindetterge oraı atqarylyp jatqan medısınalyq sharalardyń mańyzdylyǵyn atap ótti.
Densaýlyq saqtaý mınıstriniń orynbasary Lázzat Aqtaeva elimizde menıngıt aýrýy turaqty baqylaýǵa alynǵanyn, eshqandaı qaýip joq ekenin jetkizdi. Onyń aıtýynsha Qostanaı, Soltústik Qazaqstan, Shyǵys Qazaqstan, Pavlodar, Aqmola oblystarynda ótken jyly bala týý kórsetkishi men halyqtyń tabıǵı ósimi kemip ketken. Sondaı-aq Qyzyljar óńirinde ana ólimi, ınfeksııalyq juqpaly aýrýlar kórsetkishteri joǵary.
Májilis depýtattary Ivan Klımenko, Olga Shıshıgına, Marıne Mıkaelıan jergilikti jerlerde medısınalyq salany jaqsartý, qaýipti dertterdiń aldyn alý jaıly oı-pikirlermen bólisti.
О́mir ESQALI,
«Egemen Qazaqstan»
