Qalanyń keıbir kóshelerine apatqa ushyraǵan kólikter ornalastyrylady. Ár kólikke «Uıaly telefonmen sóılestim», «Baǵdarshamnyń qyzyl jolaǵyna ótip kettim!, «Qarsy jolaqqa shyǵyp kettim», «Kólikke mas kúıinde otyrdym», «Kólik jyldamdyǵyn asyrdym», «Esińde bolsyn! Jol ortasynda seniń balań qalýy múmkin!» degen saqtyq bannerleri jazylady.
Oblystyq ishki ister departamentiniń málimetinshe, osy jyldyń alǵashqy toqsanynda tirkelgen 163 jol-kólik oqıǵalaryna ushyrǵan 214 adam túrli deńgeıde dene jaraqatyn alypty. 15 adam qaıtys bolypty. Sonymen birge, málimet boıynsha jol-kólik oqıǵasynda 33 bala jaraqattansa, 91 jaıaý júrginshi jol apatyna ushyrady. Alty adam qaıtys bolyp, 89 adam túrli deńgeıde dene jaraqatyn alǵan.
Farıda BYQAI,
«Egemen Qazaqstan»
