Aýdan ákimi Beıbit Ismanov jurtshylyq aldynda sóılegen sózinde jańa baǵyt oblys ákimi Qumar Aqsaqalovtyń, Investısııalar jáne damý mınıstrligi kólik komıtetiniń qoldaýymen ashylǵanyn jetkizdi.
«Bul elorda men aýdandy tikeleı jalǵastyratyn alǵashqy elektr poıyzy sanalady. О́ńirde Shalqar,Imantaý sekildi tamasha demalys oryndary, Qarasaı jáne Aǵyntaı batyrlardyń memorıaldyq kesheni, Aıǵanym qonysy, Shoqannyń mýzeıi ornalasqan. Demek ishki týrızmdi nyǵaıtýdaǵy mańyzdy qadam bolary sózsiz», dedi ol.
«Volodar» stansasynyń basshysy Almas Kenjekeevtyń aıtýynsha Pavlodar, Qostanaı, Qaraǵandy jaqtarǵa baratyn poıyzdar osy stansa beketin basyp ótedi. Al jańadan ashylǵan elektr poıyzy aptasyna eki ret qatynaıdy. Júrginshiler kóbeıgen jaǵdaıda 376 oryndy 6 vagonnyń sany arttyrylatyn bolady. Eki aralyqty 5 saǵat 35 mınýtta júrip ótedi. Bılet quny 1504-1943 teńge aralyǵynda. Jaılylyǵymen erekshelenedi. Ár vagonda kondısıoner, jumsaq oryndyqtar, beınebaqylaý qoıylǵan.
«Men Saýmalkólde turamyn. Kókshetaýǵa jetý úshin taksıge 2 myń teńge tóleıtinmin. Endi elektr poıyzben jetsem, bar-joǵy 700 teńge ǵana», deıdi alǵashqy jolaýshylardyń biri Ilıa Lazorkın.
О́mir ESQALI,
«Egemen Qazaqstan»
