Semeıde «Jánibek án salady...» dramasy sahnalandy

Qoıylym Qaraýyldaǵy mektep aýla­synda shýyldaǵan, ázil-qal­jyń­dary jarasqan bir top jas­tyń ózara áńgi­mesinen bastalady. Olardyń arasyn­da dombyra ustaǵan Jánibektiń shoq­ty­ǵy bıik ekeni baıqalady. Al endi taǵy bir kóriniste ustazy Kámen Oraza­lın­men syrlasyp, onyń aǵalyq aqy­lyna den qoıady. Jánibek ara-arasynda sh­abyty ustap, quıqyljyta án de sala­dy. Ánshi beınesi á degennen kó­rer­mendi shynaıylyǵymen baýrap alady. Bul akter Azamat Nurǵamystyń she­berligine baılanysty ekendigi sóz­siz. Ke­ıip­ker keıpine meılinshe engen ak­ter Jánibektiń bar bolmysyn, ha­rak­­­terin ashyp kórsetýge qajyr-qaı­ra­­t­yn jumsaǵany da kózge uryp tur. Já­ni­­bek-Azamattyń kórermen yqy­la­­sy­n­a bó­lenip, olardyń júregine qoz­­ǵaý sal­ǵany róldi ártistiń bar qa­­rym-qa­bi­l­etimen oryndaǵanynda bolsa kerek. 

Akter Myrzahan Sydyqov ta Ká­men ustazdyń rólin sátti somda­ǵan. Ustaz­dyń shákirtine degen jana­shyr­lyǵy, ustazǵa tán tereńdik, bilimdar­lyq Sydyqovtyń oryndaýynda tabı­ǵılyqpen óriledi.

– «Jánibek án salady...» qoıy­ly­myn daıyndaý barysynda baıqaǵa­ny­myz, Dáýlet Seısenulynyń ánshilik darynymen tanylǵan Jánibek Kár­menovtiń óner salasyna qosqan úlesin erekshe dáriptegeni, ony teatr akterleriniń sheberlikpen oryn­daǵa­ny kórermenderge erekshe áser etti, – dedi Mádenıet qaıratkeri, Abaı teatry­nyń dırektory Baýyrjan Tólekov.

Teatrdyń ádebı bóliminiń meń­gerý­shisi Mereı Qarttyń aıtýynsha, Jánibektiń búkil ǵumyryn bir spek­­taklge syıdyrý áste múmkin emes. Desek te qoıylym rejıs­seri Erbol Jýasbek bastaǵan ártis­ter toby ánshi­niń ómirinen jazyl­ǵan shyǵar­many kórermenniń kóńilinen shyǵarýǵa búkil kúsh-jigerin jumsaǵan.

Spektakldiń tusaýkeserine Al­ma­­ty­dan arnaıy kelgen Jánibek Kár­menov­tiń jary Turar pesa avtoryna, teatr ujymyna óziniń rızashy­lyǵyn bildirdi. 

Raýshan NUǴMANBEK,

jýrnalıst

SEMEI