Bul maqaladan túıgenim – qazaq halqynyń rýhanı qundylyqtaryn qalypqa túsirý, túgendeý, saralaý, zaman talabyn eskere otyryp týra jolǵa qoıý jáne damytýǵa arnalǵan baǵdarlamalyq qujat deýge tolyq negiz bar. «Bizdiń maqsatymyz aıqyn, baǵytymyz belgili. Ol – álemdegi damyǵan 30 eldiń qataryna qosylý. Maqsatqa jetý úshin bizdiń sanamyz isimizden ozyp júrýi, ıaǵnı odan buryn jańǵyryp otyrýy tıis», deıdi Elbasy.
Bul rette rýhanı jańǵyrýdyń eń basty sharty – ulttyq kodymyzdy saqtaý ekenin árdaıym este ustap, álemdik ózgeristerge saı jańasha oılaý júıesin qalyptastyrǵanymyz abzal. Ulttyq kod degenimiz – qazaq halqynyń jaratylysy, tabıǵaty, rýhanı bitimi, ómir salty. Meniń oıymsha, qanymyzǵa sińgen ulttyq rýhymyz – nebir kúızelisterden aman alyp kele jatqan temirqazyq ispettes. Rýhanı qundylyqtarymyzdy zamanǵa saı odan ári baıytyp, damytyp, ony búgingi urpaqtyń sanasy men turmysyna sińirý arqyly jańa ǵasyrdyń jańa urpaǵyn qalyptastyrýǵa atsalysyp jatqan el aǵalaryna alǵysym sheksiz.
Rasynda da, ulttyq salt-dástúrimiz, tilimiz ben mýzykamyz, ádebıetimiz, joralǵylarymyz, jalpyulttyq rýhymyz boıymyzda qalýy tıis. Qoryta aıtqanda, uly tulǵalardyń qundylyqtarǵa toly muralary – rýhanı baılyǵymyzdyń qaınar kózi. Bul baılyqty urpaq ıgiligi úshin paıdalansaq, bizdi jarqyn bolashaq kútip turǵany aıtpasa da túsinikti. Bul jańǵyrý ultymyzdy órge, ǵurpymyzdy tórge bastaıdy. Sondyqtan árbir jastyń sanasynda «Ulttyq kodym – meniń ulttyq maqtanyshym» degen patrıottyq sezim bolýy tıis. Ulttyq jańǵyrý – jas urpaqty jańasha oılap, jańasha is isteýge úıreterine senimim mol.
Gúljaına BEISENBAI,
B.Momyshuly atyndaǵy
№6 mektep-gımnazııanyń
10-synyp oqýshysy
Ońtústik Qazaqstan oblysy,
Maqtaaral aýdany
