Oǵan Reseıdiń Qostanaımen shekaralas Chelıabi, Qorǵan, Orynbor jáne Sverdlov oblystarynan qazaq dıasporasy uıymdarynyń ókilderi shaqyryldy. Konferensııa jumysyna Dúnıejúzi qazaqtary qaýymdastyǵynyń qyzmetkeri Taalpbek Tynysbek qatysyp, uıymnyń búgingi atqaryp otyrǵan jumysy týraly reseılik qazaqtardy habardar etti.
Osydan bes jyl buryn Dúnıejúzi qazaqtary qaýymdastyǵynyń Qostanaı fılıaly ashylǵan bolatyn. Osy ýaqytta uıym Reseıdiń irgeles oblystaryndaǵy qandastardyń ana tilin, dástúrin umytpaýy jáne ata mekenmen baılanysyn úzbeýi úshin kóptegen jumystar júrgizdi. Bul jóninde konferensııada fılıal jetekshisi Názıra Járimbetova aıtyp berdi. Sondaı-aq Qazaqstan kóp ulttyń qutty mekeni, osy jóninde Qazaqstan halqy Qostanaı oblystyq assambleıasynyń hatshylyǵynyń meńgerýshisi Bıbigúl Aqqojına, elimizde iske asyrylyp jatqan «Rýhanı jańǵyrý» memlekettik baǵdarlamasy jóninde saıasattanýshy ǵalym Álimjan Bekmaǵambetov aıtyp berdi. Sonymen qatar, oblystyq Tilderdi damytý basqarmasynyń oqý ortalyǵy mamandary jasaǵan shet el qazaqtaryna arnap jasalǵan qaaq tilin oqytý baǵdarlamasymen Chelıabi oblysynyń qazaqtary bes jyl boıyna til úırenip keledi. Osy isti uıymdastyrýshy Tilderdi damytý basqarmasynyń bólim meńgerýshisi Baqytgúl Súıleımenova baıandady. Reseıdiń irgeles oblystarynan kelgen qazaq dıasporasynyń ókilderi de ózderinde jas urpaqtyń ulttyq qundylyqtardy umytpaýy úshin júrgizip otyrǵan jumystaryn ortaǵa saldy.
«Orynbor oblysynda 125 myń qazaq turyp jatyrmyz. Barmasań, kelmeseń jat bolarsyń degen. Múmkindiginshe atamekenmen baılpanysty úzbeýge, tildi umytpaýǵa tyrysyp, túrli sharalar ótkizemiz. Qostanaıdaǵy konferensııadan da kóp maǵlumat aldyq, «Rýhanı jańǵyrý» baǵdarlamasynyń mańyzyn shet elde júrgen qazaqtar da bilýi tıis, óıtkeni bul ulttyń rtaq problemasy» dedi Orynbordaǵy «Báıterek» qaıyrymdylyq qorynyń tóraıymy Sáýle Táıkesheva.
Reseılik qazaqtarǵa Qostanaıdaǵy sakraldy oryndar kórsetildi, qol óner buıymdarynyń kórmesin tamashalady.
Názıra Járimbet,
«Egemen Qazaqstan»
Qostanaı
