Qujat saılaý tetikterin, sonyń ishinde jańa ınstıtýttar engizý arqyly jetildirýge baǵyttalǵan. «Qazaqstan Respýblıkasyndaǵy saılaý týraly» konstıtýsııalyq zańǵa mynadaı ózgerister engiziledi:
Aýyldyq deńgeıdegi ákimderdi tikeleı saılaý engiziledi (aýdandyq mańyzy bar qala, aýyl, kent, aýyldyq okrýg ákimi);
partııalyq tizimder boıynsha saılanatyn máslıhattardyń depýtattaryn saılaýdyń proporsıonaldy júıesi belgilenýde;
okrýgtik saılaý komıssııalary pysyqtalady;
aýyldyq deńgeıdegi ákimder tikeleı saılanatynyna baılanysty aýmaqtyq saılaý komıssııalaryna saılaýdy uıymdastyrý men ótkizýdi qamtamasyz etý, sonyń ishinde aýyl ákimderiniń ókilettigi berildi; aýmaqtyq saılaý komıssııalarynyń eki múshesi kəsibı negizde ókilettigin júzege asyrady;
saılaý prosesine sıfrlandyrý elementteri, onyń ishinde saılaýshylar tizimin sandyq júıege kóshirý engiziledi;
elektrondyq buqaralyq aqparat quraldarynda saılaýaldy úgit-nasıhat júrgizý retteledi; halyqaralyq baqylaýshylardy akkredıtteýdi qaıtaryp alý tártibi naqtylanýda.
Sondaı-aq, zań jobasyna memlekettik Eltańbadaǵy «Qazaqstan» degen sózdi latyn áripterimen jazý qarastyrylatyn «Qazaqstan Respýblıkasynyń memlekettik rámizderi týraly» Konstıtýsııalyq zańyna túzetýler engizilip jatyr.
Sonymen qatar, otyrysta «Qazaqstan Respýblıkasynyń keıbir zańnamalyq aktilerine saılaý máseleleri boıynsha ózgerister men tolyqtyrýlar engizý týraly» zań jobasy birinshi oqylymda qaraldy. Zań jobasy «Qazaqstan Respýblıkasynyń keıbir konstıtýsııalyq zańdaryna ózgerister men tolyqtyrýlar engizý týraly» Konstıtýsııalyq zań jobasyna sáıkes, zańnamalyq aktilerdi engizý maqsatynda jasalǵan.
О́zgerister bes zańnamalyq aktige engizilip jatyr: Bıýdjet kodeksi, Ákimshilik quqyq buzýshylyq týraly kodeks, «Qazaqstan Respýblıkasyndaǵy jergilikti ózin-ózi basqarý jáne ózin-ózi basqarý týraly», «Saıası partııalar týraly» jáne «Qazaqstan Respýblıkasy memlekettik qyzmet týraly» zańdarǵa ózgerister engizilýde. Zań jobasyna mynadaı negizgi ózgerister men tolyqtyrýlar engiziledi: jergilikti bıýdjet qarajaty esebinen saılaýshylar men saılaý komıssııalarynyń múshelerin oqytý kiriktirilýde; saılaýǵa qatysatyn úmitkerlerdiń, saıası partııalardyń úgit-nasıhat materıaldaryn jarııalaý nemese efırge shyǵarý tártibin buzǵany úshin, sondaı-aq saılaýǵa baılanysty qoǵamdyq pikir saýalnamasyn ótkizý shartyn buzǵany úshin jaýapkershilik ornatylyp jatyr; aýyldyń deńgeıdegi ákimderdiń ókilettikterin toqtatý jáne qyzmetke taǵaıyndaý tártibi aıqyndalady. Zań jobalary palatanyń qaraýyna berildi.
