Jazǵy mekteptiń ashylýyna QR Prezıdenti Ákimshiliginiń, ál-Farabı atyndaǵy QazUÝ mamandary, Almaty qalasyndaǵy AQSh, Polsha Respýblıkasynyń konsýldyq qyzmeti men arhıv mekemeleriniń basshylary qatysty.
Astana, Almaty qalalarymen qatar elimizdiń ortalyq jáne oblystyq arhıv qyzmetkerleri, sondaı-aq ál-Farabı atyndaǵy QazUÝ tarıh fakýltetiniń stýdentteri qatysqan jazǵy mektepte Qazaqstan, AQSh, Polsha elderi arhıv isiniń jetekshi sarapshylary men tájirıbeli mamandary dáris ótkizýde. Olardyń qatarynda Polsha ulttyq arhıv ınstıtýtynan Mazena Krýk, Stanıslav Koller, Merılend ýnıversıtetiniń (AQSh) professory Adam Krısberg bar.
Atalǵan sharanyń ashylý saltanatynda QR Prezıdenti Arhıviniń dırektory Borıs Japarov jazǵy mekteptiń aıasy keńeıip kele jatqandyǵyn jetkizdi. B.Japarovtyń aıtýynsha, ótken jyly I Jazǵy mektepke TMD elderinen 50 tyńdaýshy qatysqan bolsa, bıylǵy jyly Qazaqstan, Qyrǵyzstan, Reseı jáne О́zbekstan elderinen 100-den asa adam qatysýda. Jazǵy mektep TMD elderiniń arhıv mekemeleriniń mamandary úshin zamanaýı formatqa negizdelgen kásibı bilim berý alańyna aınalýy tıis. Osy oraıda Memleket basshysynyń rýhanı jańǵyrý jáne sıfrlandyrý baǵdarlamalary aıasyndaǵy mindetter arhıv salasyn da qamtıtyn bolady.
Jazǵy mektep aıasynda QR Prezıdentiniń Arhıvi jáne Polsha ulttyq arhıv ınstıtýty arasynda yntymaqtastyq týraly memorandýmǵa qol qoıyldy. Qujat eki el arasyndaǵy mádenı yntymaqtastyqqa ulasatyn bolady.
Qatysýshylar IT-tehnologııalardy engizý máselesi, arhıv mekemelerindegi jumys erekshelikteri, elektrondyq arhıv, t.b. máseleler týraly pikirlerin ortaǵa saldy.
Jazǵy mektep baǵdarlamasynda pikirtalastar, sheberlik saǵattary, iskerlik oıyndarmen qatar Qazaqstannyń memlekettik arhıvteri jumysymen tanysý josparlanǵan.
Elvıra Serikqyzy,
«Egemen Qazaqstan»
