Kásipkerler palatasynyń Aqtóbede ótkizilgen keńeıtilgen májilisinde ulttyq kásipkerler palatasy tóralqa tóraǵasy Tımýr Qulybaev sóz tıegin osy arnadan sabaqtady. Sonymen birge onyń aıtýynsha, ulttyq palatanyń qatysýymen jańa Salyq kodeksi ázirlengen. Sonyń ishinde onda shaǵyn jáne orta bıznes úshin arnaıy salyq rejimderi engizilgen. Ári qosymsha qun salyǵynyń belgili bir shegi saqtalǵan. Eń bastysy, memleket-jekemenshik áriptestigi jobalary edáýir jeńildetilgen. О́z kezeginde munyń ózi uzaq merzimge laıyqtalǵan qanatqaqty jobalardy júzege asyrýǵa alǵyshart qalady. Osy oraıda «Atameken» UKP-nyń bastamasyna sáıkes Aqtóbe oblysynda «Bastaý» jobasy júzege asyryldy. Atalǵan baǵdarlama aıasynda óńir turǵyndary ózin ózi jumyspen qamtýǵa múmkindik ala bastady. Bul is bıznes júrgizýdi meńgerý isinen bastaý alady. О́ńirde atalǵan joba jaqsy nátıjeler berip, oǵan myńdaǵan jumyssyzdar men ózin ózi jumyspen qamtyǵan jandar qatysty. Osy arqyly jobalar oblystyq komıssııa aldynda qorǵaldy. Tutastaı alǵanda respýblıka óńirleri arasynda tuńǵysh ret qolǵa alynǵan «Bastaý» jobasy ne berdi degen máselege kelsek, buǵan qaıtarylar jaýap bireý ǵana. Iаǵnı alǵashqyda synaq retinde belgilengen «Bastaýdyń» óńirde kórsetken oń nátıjelerine oraı qanatqaqty bastama 2017-2021 jyldarǵa arnalǵan nátıjeli jumyspen qamtý jáne jappaı kásipkerlikti damytý baǵdarlamasyna engizildi. «Bastaýdyń» Aqtóbe aımaǵyna tıgizgen shapaǵaty týraly aıtar bolsaq, oblysta osy joba aıasynda myńdaǵan turǵyn jeńildikti nesıege qol jetkizipti. Turǵyndardyń taǵy bir qalyń toby jobalardy óz qarajattarymen qarjylandyrypty. Qanatqaqty joba oblys ortalyǵy men oǵan irgeles eldi mekenderde emes, kerisinshe Oıyl, Temir, Yrǵyz jáne Shalqar sekildi shalǵaı aýdandarda júrgizilýi onyń mártebesin bıiktete túsedi.
Bıyl oblysta «Bastaýdan» bastalǵan jol óziniń órisin odan ári ósire túspek. Osy arqyly óńir turǵyndarynyń joba sheńberi men qamtylý deńgeıi 2-3 esege deıin ulǵaımaq. Bul úshin ónimdi eńbekpen qamtýmen jappaı kásipkerlikti damytý baǵdarlamasyn odan ári jalǵastyrý úshin qajetti qarajat bólingen. Bir sózben aıtqanda, bul joba aýyldyq jerde bıznesti damytýdyń jolbastar úlgisi bola alǵany anyq. Osy oraıda Aqtóbede bıznesti jańadan bastaǵan jandardyń qadamdaryn qoldaý úshin taǵy bir qanatqaqty joba ázirlengenin aıta ketken jón. Onyń basty bir ereksheligi, jobaǵa qatysýshylar buǵan deıin ábden qalyptasqan, bıznestiń jilik maıyn shaǵyp ishken bilikti de belsendi ári tájirıbeli kásipkerlerge bekitilýinde. Osy arqyly olar «Bıznestiń jol kartasy-2020» baǵdarlamasy aıasyndaǵy bıznesti damytý men uıymdastyrý grantyna qatysa alady. Ulttyq kásipkerler palatasy tóralqa tóraǵasy Tımýr Qulybaevtyń málimdeýinshe, Aqtóbe oblysynda oń nátıje kórsetken «Bastaý» jobasy bıyl elimizdiń barlyq 160 aýdanyn qamtymaq. Sonyń ishinde osy baǵdarlama aıasynda jumyssyzdar men ózin ózi jumyspen qamtýǵa qol jetkizgender kásipkerlik qyrlaryn úırený men meńgerý kýrstaryna tartylmaq.
«Atameken» UKP-nyń Aqtóbede ótkizilgen keńeıtilgen májilisinde isker áıelder keńesiniń tóraıymy Lázzat Ramazanova áıelder qaýymdastyǵy bıznesine tıisti qoldaý kerektigin aıta kelip, aýyl áıelderi osy iske kóbirek tartylýy qajettigine toqtaldy. Ári ol bul rette oblystyń eń shalǵaı aýdandarynyń biri Yrǵyzda týrıstik bıznesti damytý isine áıelder laıyqty úlesin qosa alatyny jóninde oı sabaqtady.
Túıindeı aıtqanda, búgingi kezde «Atameken» UKP-nyń aldynda óz sheshimin kútip turǵan máseleler de joq emes. Bul rette alǵashqy kezekte óńirlik damý ınstıtýttarynyń rólin kúsheıtý qajettigi týyndaıdy. Búginde ne kóp, táýeldi enshiles, salalas qurylymdar kóp. Onyń sanyn qysqartý qajettigi de ýaqyt kúttirmeıdi. Aktıvter qurylymyn qaıta ózgertý isinde de sheshimin taýyp úlgermegen máseleler jetkilikti. О́ńir kásipkerleriniń osyndaı júıeli sheshimderin talap etetin problemalyq máseleleri palata tóralqasy tarapynan qoldaý tapsa ıgi.
Temir QUSAIYN,
«Egemen Qazaqstan»
AQTО́BE
