Aqmola elektrondy kartalardy engizý boıynsha elimizde tórtinshi orynǵa shyqty

Árıne ekonomıka qurylymyn­da aýyl sharýashy­lyǵynyń ózindik orny erekshe. Eń mańyzdy eki min­detti: azyq-túlik qaýipsizdigin qam­tamasyz etý jáne óndiristi ár­tarap­tandyrý máselelerin sheshý úlken mańyzǵa ıe. Osy turǵydan kel­gende óńirde elektrondy karta­lar­­dy en­gizý ýaqyt talabyna aı­­nalyp otyr. Jaq­sy aýdany aýyl­­­sharýa­shylyq bóli­miniń bas mamany Erkejan Tóle­gen­niń máli­metine qaraǵanda, aýdan oblys boıyn­sha elektrondy kartalardy en­gi­zýde 2-orynda tur. Búgingi tań­da qamtylǵan kólem 520 myń gek­tar jerdi quraǵan. Reti kelgen­de aǵymdaǵy jyldyń aqpan aıy­nda en­­gizilgen baza agronomdyq ju­mys­tar­­dy baqylap, qadaǵalaýǵa múm­kin­­dik bergendigin atap ketken jón. My­saly, Minagro.kz saıtynda árbir tir­kelgen sharýa qojalyqtary jeke ka­bınet­teri arqyly erkin kire ala­­tyn­­daı jaǵdaı jasalǵan. Atalǵan por­­­tal egis­tiktiń kartalaryn kórýge, aýma­­ǵy men sýret­terin qaraýǵa, oblys bo­­­ıynsha statıs­tı­ka­lyq kórsetkish­ter­di sa­lys­­t­yrý­ǵa jáne ózge de q­a­jet­ti aq­­p­arat­tardy tabýǵa óte yńǵaıly.

Jalpy, Jaqsy aýdanyna jasa­ǵan baspasóz týry barysynda bir­neshe sharýa qojalyǵyn aralap, jumystarymen jaqyn tanysýdyń sáti tústi. Osyndaǵy Novokıevka aýyl­dyq okrýginde bolǵan kezimizde egis al­q­ap­tarynyń kóktemgi egis ju­mys­t­arynyń daıyndyǵyna kóz jet­kizdik. Búgingi tańda aýyldyq okrýg­tiń aýyl­sharýashylyq alqaby 36 128 gek­t­ardy qurasa, sonyń 27 234 gektary egistik jerler bolyp tabylady. Mine, osy alqapty ıgerýde, ásirese ósimdik sharýashylyǵyn dóńgeletip júrgen birneshe aýyl­sharýa­shylyq kásiporyndary da jumys isteýde. Bul kásiporyndar aýyldyq okrýgtiń órkendeýine súbeli úles qosyp keledi. Atap kór­set­kendeı, birneshe sharýa qojaly­ǵynyń basyn biriktirgen «Gold Drine» JShS birlesip utymdy áre­ket etý qajettigi jóninde ózindik jumys órnegin kórsetip keledi. Sonyń ishinde Grıgorıı Dychok basqaratyn «Lých» qojalyǵy da bar. Seriktestik arpa, bıdaı, zyǵyr egýmen aınalysady. Túsken tabystan sharýashylyq basshylary óz qyzmetkerlerine barynsha jaǵdaı jasap, kómektesip otyrady. Buryn keńshar dırektory bolǵan, komsomol brıgadasyn da basqarǵan Sergeı Borısenko aýyldyq mesenattardyń eń belsendisi eken. Ol osyndaǵy arpa-bıdaı ósirýmen aınalysyp kele jatqan «Mechta» sharýa qojalyǵyn basqarady. Onnan astam adamǵa jumys taýyp berip otyrǵan azamat mekteptiń qurylys jumystaryna kómektesip, oqýshylarǵa shańǵy syılapty. Merekelik is-sharalarǵa da únemi demeýshilik jasap keledi.

О́ńirdiń ty­nys-tir­shiligimen arnaıy tanysý úshin kelgen BAQ ókil­derine bergen jaýa­­bynda Novo­kıevka selolyq okrýgi­niń ákimi Bolat Sadyqov bylaı dedi: «Bizd­egi qojalyqtar el­men birge alǵa umt­y­lyp, damyp keledi. Sońǵy ýaqyt­tar­da eski tehnıka­larmen jumys isteý qıyndady. Son­dyqtan qazir bári lızıngke nemese mem­lekettik baǵdarlamalar arqyly qajetti tehnıkalaryn jańartýda».

Asqar TURAPBAIULY,
«Egemen Qazaqstan»

Aqmola oblysy