Jobaǵa Tań aýylyndaǵy «Manaq Baba» fermasy tańdaldy. Joba aıasynda kún radıasııasy men jel qozǵalysyn elektr energııasyna aınaldyratyn kún jáne jel elektr stansasynan turatyn gıbrıdtik qondyrǵy ornatyldy. Alynǵan energııa turmys pen sharýa qojalyǵynyń qajettilikteri úshin paıdalanylady.
Odan bólek, arnaıy sorǵy sharýa qojalyǵy aýmaǵyndaǵy skvajınadan sýdy soryp alady jáne táýliktik retteý basseınine jınaıdy.
«Jasyl» tehnologııalardy qoldana otyryp, Aral óńirinde mundaı shaǵyn aýyl sharýashylyǵy bıznesin damytý sý jáne energııa qajettiligine baılanysty áleýetti ekonomıkanyń shyǵynyn 29 mıllıon teńgege qysqartady. Qarjy úneminen tys, jobanyń arqasynda SO2 qaldyǵy jylyna 300 tonnaǵa deıin qysqarady. Jalpy, joba Qyzylorda oblysynyń Jalaǵash aýdanyndaǵy 37 myń turǵyndy joǵary sapaly aýyl sharýashylyǵy ónimimen qamtamasyz etýge múmkindik beredi.
Jıynǵa Qyzylorda oblysynyń ákimi Qyrymbek Kósherbaev, BUU turaqty úılestirýshisi/ BUU DB-nyń Qazaqstandaǵy turaqty ókili Norımasa Shımomýra, Qazaqstandaǵy EO ókildiginiń ýaqytsha senimdi ýákili Zoltan Salaı men Qazaqstandaǵy Germanııa isteri jónindegi ýaqytsha senimdi ýákili Ionatan Vaınberg qatysty.
Baqtııar TAIJAN,
«Egemen Qazaqstan»
