Kórmeniń ashylýyna Mádenıet jáne sport mınıstrliginiń jaýapty hatshysy Qýatjan Ýálıev jáne sheteldik sýretshiler qatysty.
Jobaǵa tańdalyp alynǵan álemniń 20 qylqalam sheberi Astananyń aıshyqty, eńseli oryndaryn beınelengen. Sonyń ishinde: erke Esildiń jaǵasy, Nurjol jelek joly, elordanyń sımvoly «Báıterek» monýmenti jáne Áziret Sultan meshiti bar.
Ashylý saltanatynda kelgen kórermender jádigerlerdi tamashalap, ań-tań bolyp jatqanda Italııadan kelgen sýretshi Djovannı Tomassı Ferronıge sóz kezegi tıip: «Qyzdary kerbez, jigitteri jomart, sulý jaratylǵan ultty sýretke salmaýdyń ózi kúná dep bilemin!» degende jıylǵan kópshilik qol shapalaqtap oǵan óz rızashylyqtaryn bildirdi.
Qylqalam sheberleri – Astananyń ǵımarattaryn, túngi beınesin qaǵaz betine túsirse, bireýi shahar turǵyndarynyń ómir tirshiligin kórsetkisi kelgen.
Tipti bázbireýleri ulttyq úlgide kıingen qyzdar men qyrandy qolyna qondyrǵan erlerdi nysana etip alǵan.
Atalmysh óner batystyq jáne shyǵystyq stıl bolyp bólinetindikten, shyǵystyq beıneleýshiler kók jáne qyzyl tústi jıi qoldansa, batystyqtar qońyr men qyzyl tústi paıdalanady. Dál osy úrdis kórme zalynda kórinis tapqan.
Kartına salý – basqa óner túrleri sııaqty erkin oılaýdy qajet etetindikten, abstraksııaly sýret keskindeý sheberi ońtústikkoreıalyq Beýngson Sý kúnniń shyǵýy men batýyn kindik qalanyń sımvolıkalyq mańyzyna balaı otyryp, ózindik stıldi erekshe aıshyqtaǵan.
Elimizdiń júregi, ári eń jas qalasyna arnalǵan sýret kórmesi 20 kún boıy Ulttyq mýzeıde kórermen nazaryna usynylyp, sodan soń mýzeı qoryna syı retinde berilmek.
Azamat MÁÝLENULY
