Tusaýkeserde avtor kitap mazmuny týraly, ıaǵnı Ahmet Baıtursynovtyń Orynbordaǵy jyldary týraly Alash qozǵalysymen, sol kezeń oqıǵalarymen, Orynbor jáne qazaq tarıhymen baılanstyra otyryp, aıtyp berdi.
«Ahmet Baıtursynovtyń iri qaıratker, kemeńger ǵalym bolyp qalyptasýyna sol kezdegi qoǵam, qoǵamda bolyp jatqan iri ózgerister yqpal etti. Ybyraı Altynsarın bilim berse, odan keıingi ortasy, zaman ózgeristeri ony jan-jaqty damytty» dedi Tatıana Ivanovna.
Kitap avtoryna tusaýkeserge qatysqandar tarapynan kóptegen saýaldar qoıyldy. Olardyń barlyǵyna avtor jaýap berdi, arasynda pikirtalas ta týyndap otyrdy. Kitapty Orynbordaǵy «Báıterek» qaıyrymdylyq qory demeýshilik jasap, shyǵardy. Qor tóraıymy Sáýle Táıkesheva da tusaýkeserge qatysty.
«Ahmet Baıtursynov jan-jaqty tulǵa. Ol Qazaqstan Táýelsizdiginiń bas jaǵynda turǵan, ol úshin kúresken adam ekenin bilemiz. Alaıda biz bul kitapta Ahańnyń tek aǵartýshylyq jaǵyn ǵana qarastyrdyq, onyń saıası qaıratkerligin qozǵaǵan joqpyz. Orys aýdıtorııasynyń Baıtursynovty bile túsýine bul kitaptyń ózindik úlesi bolady dep bilemiz» dedi Sáýle Sovhozqyzy.
Tusaýkeser sońynda orynborlyq kitap avtory men onyń demeýshisine ýnıversıtet basshylyǵy tarapynan qurmet kórsetildi. Tusaýkeserge qostanaılyq oqyrmandarmen qatar Reseıdiń irgeles oblystarynan kelgen qazaq dıasporasy ókilderi de qatysty.
Názıra JÁRIMBET,
«Egemen Qazaqstan»
