Halyqty sýmen jabdyqtaý qyzmetteriniń sapasyn joǵarylatý men sý sharýashylyǵy kásiporny shyǵynyn qysqartý maqsatynda sý bóletin munaralardyń sanyn azaıtý jáne olardy joıý jónindegi baǵdarlama bekitildi.
Búgingi tańda qalada jumys isteıtin 210 sý bóletin munaranyń 110-yn 2020 jylǵa deıin ortalyqtandyrylǵan sýmen jabdyqtaý qyzmetine qosý josparlanýda.
Sýmen jabdyqtaý jelileriniń uzyndyǵy 1266 shaqyrymdy, sý tartý jelileriniń uzyndyǵy 735 shaqyrymdy quraıdy. Sýmen jabdyqtaý jelileriniń tozý deńgeıi orta eseppen 44 %-ǵa, sý tartý jelileriniń tozý deńgeıi orta eseppen40 %-ǵa teń.
Bıyl Astanada qaladaǵy jelilerdiń 48,1 shaqyrymyn jóndeýge múmkindik beretin 10 joba iske asyrylyp, jelilerdiń 10 shaqyrymy jańadan salynady dep josparlanýda.
Budan bólek, Qala shetterin damytý tujyrymdamasynyń aıasynda ákimdik Astananyń 20 turǵyn úı alabynda joldar men ınjenerlik jelilerdiń qurylysyn júrgizip jatyr. Bul alań 232, 38 shaqyrymdyq joldy, 522 shaqyrymdyq ınjenerlik jelilerdi qamtıdy.
2011 jyldan búginge deıin joldardyń 125, 8 shaqyrymy men ınjenerlik jelilerdiń 295,7 shaqyrymy salyndy.
2018 jyly Kóktal-2, Komsomol, Ońtústik-Shyǵys, Ilınka jáne basqa turǵyn úı alaptarynda uzyndyǵy 3,2 shaqyrymdy quraıtyn 8 kósheniń, 21,2 shaqyrymdyq ınjenerlik jelilerdiń qurylysy men jóndeý jumystary júrgiziledi dep josparlanǵan. Atalmysh baǵyttaǵy jumystar 2022 jylǵa deıingi Astana qalasyn yqshamdy etip qurý jónindegi keshendi josparyna sáıkes júrgiziledi.
Qoldanystaǵy aǵyn sýdy tazartatyn kanalızasııalyq tazartqysh ǵımarattardyń qýattylyǵy táýligine 254 myń tekshe metrdi quraıdy. Qýattylyqtyń mundaı deńgeıi qaýyrt shaqta jetkiliksiz.
Atalmysh máseleni sheshý úshin qala ákimdigiAzııa damý bankimen birlesip, MJÁ mehanızmi arqyly KTǴ-2 qurylysyn júrgizbek.
Tujyrymdamanyń aıaqtalý merzimi – osy jyldyń maýsymy.
Sondaı-aq, ákimdik maquldanǵan tehnıkalyq kómektiń aıasynda ADB-men birlesip, «Astana qalasynyń sý resýrstaryn biriktirip basqarýdyń sheberlik jospary» jobasyn ázirleý jumystary júrgizilýde.
Joba Esil, Aqbulaq, Sarybulaq ózenderiniń, Maıbalyq, Úlken jáne Kishi Taldykól kólderiniń, Astana sý qoımasynyń, kontrretteýshiniń, Nura-Esil arnasynyń sý nysandary men gıdrotehnıkalyq ǵımarattaryndaǵy sý men jer asty sýyn retteý men paıdalaný sharalary keshenin iske asyrýdy qarastyrady.
Sheberlik jospary 2019 jyldyń sáýirinde ázirlenbek.
