Memleket basshysynyń О́kimimen Sáýle Muhanbedıanqyzy Aıtpaeva Qazaqstan Respýblıkasyndaǵy Bala quqyqtary jónindegi ýákil qyzmetine taǵaıyndaldy. Bul týraly akorda.kz habarlady.
Sáýle Aıtpaeva 1960 jyldyń 22 mamyrynda Torǵaı oblysy Jaqsy kentinde dúnıege kelgen.
1977 jyly Torǵaı oblysy Jaqsy aýdandyq prokýratýrasy keńsesiniń meńgerýshisi;
1978 jyly Torǵaı oblysy Jaqsy aýdandyq komsomol komıtetiniń mashınısti;
1979-1983 jyldary R.A.Rýdenko atyndaǵy Sverdlov zańtaný ýnıversıtetiniń «quqyqtaný» mamandyǵy boıynsha oqýǵa tústi;
1983 jyly Selınograd oblystyq prokýratýrasy Lenın aýdandyq prokýratýrasynyń tálimgeri;
1984 jyly Selınograd qalasy Lenın aýdandyq prokýratýrasynyń tergeýshisi;
1985 jyly Aqmola oblysy prokýratýrasynyń ishki ister organdaryndaǵy tergeý men anyqtaýdy qadaǵalaý jónindegi bóliminiń prokýrory;
1988 jyly Aqmola oblysy prokýratýrasy kadrlar jónindegi prokýrorynyń kómekshisi;
1992 jyly Aqmola oblysy prokýratýrasynyń uıymdastyrý-taldaý bóliminiń prokýrory;
1996 jyly Selına kólik prokýratýrasynyń uıymdastyrý-ınspektorlyq jumys jónindegi aǵa prokýrory;
1997 jyly Qazaqstan Respýblıkasy Bas prokýratýrasynyń janyndaǵy Quqyqtyq statıstıka jáne aqparat ortalyǵynyń (QSjAO) alǵashqy esepke alý qujattaryn, eseptilik jáne ádisteme nysandaryn ázirleý jáne engizý bóliminiń basshysy;
1998 jyly - Qazaqstan Respýblıkasy Bas prokýratýrasynyń janyndaǵy QSjAO (D) bastyǵynyń orynbasary - Astana qalasyndaǵy statıstıka basqarmasynyń basshysy;
1999 jyly QSjAO (D) bastyǵynyń orynbasary Qazaqstan Respýblıkasy Bas prokýratýrasynyń janyndaǵy QSjAO (D) statıstıkany qalyptastyrý basqarmasynyń bastshysy;
2001 jyly Qazaqstan Respýblıkasy Bas prokýratýrasynyń janyndaǵy QSjAO (D) bastyǵynyń orynbasary;
2003 jyly Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıteti Tóraǵasynyń orynbasary;
2005 jyldyń jeltoqsanynan Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıteti Tóraǵasynyń birinshi orynbasary;
Memleket basshysynyń 2012 jyldyń sáýirindegi О́kimimen Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń Tóraǵasy bolyp taǵaıyndaldy.
«Qazaqstan Respýblıkasy prokýratýrasynyń qurmetti qyzmetkeri» (2001) ataǵy bar, «Eren eńbegi úshin» (2005), «Astananyń 10 jyldyǵy» (2008), «Qazaqstan Respýblıkasynyń táýelsizdigine 20 jyl» (2011), «Qazaqstan Respýblıkasynyń prokýratýrasyna 20 jyl» (2011) medaldarymen marapattalǵan.
