QHA Ǵylymı sarapshylyq keńesiniń keńeıtilgen otyrysy ótti

Oǵan QHA Tóraǵasynyń orynbasary – hatshylyq meńgerýshisi Leonıd Proko­penko, Prezıdent janyndaǵy Memlekettik basqarý akademııasynyń Ortalyq Azııa óńirindegi etnosaralyq jáne kon­fessııaaralyq qatynastardy zertteý ortalyǵynyń basshysy, QHA ǴSK tóraǵasy Aıgúl Sádýaqasova, Qazaqstan strategııalyq zertteýler ınstıtýty dırektory, QHA ǴSK múshesi Zarema Sháýkenova jáne basqalar qatysty.

Keńeıtilgen otyrys barysynda Leonıd Proko­penko QHA-nyń HHVI sessııa­sy­nyń qorytyndylary men Elbasy tapsyrmasyn is­ke asyrýdy ǵylymı-sarap­ta­malyq qamtamasyz etý min­det­te­meleri týraly aıtyp ótti. «Elbasy qoǵam­da qalyp­tas­qan beıbitshi­lik pen ke­li­sim­niń qazaqstandyq úlgi­sin ult­tyq órkendeý men áleý­mettik mem­lekettiń pragma­tıka­lyq úlgisimen qýattaı túsý­de. Is júzinde bul ózara baıla­nys­­tar­dyń negizinde etnostyq jáne áleý­mettik quramdardyń birtutas bir­ligi qalyptasady. Osy oraı­­da Assambleıanyń aldyna qoı­ǵan maq­sattarynyń keńeıýi zańdy», dedi ol. 

QHA Tóraǵasy orynba­sary­nyń aıtýynsha, Elba­synyń tapsyrmasymen «QHA-nyń 2025 jylǵa deıingi damý tujyrymdamasyna» bir­qatar ózgerister men tolyqtyrý­lar engizilmek. Túzetýler jań­ǵyrý, áleýmettik saıasat jáne «Rýhanı jańǵyrý» baǵ­­dar­­lamalaryndaǵy basym ba­ǵyttarǵa sáıkesten­diril­mek. Bıyl QHA osy jumystarmen aınalysatyn bolady. Oǵan qosa QHA-nyń «Jańǵyrý joly» jastar qozǵalysy túrli etnostardyń jastaryn jańǵyrý bastamasy aıasynda biriktirip, olardyń ózekti startaptaryn qoldaýdy júzege asyrmaq. 

L.Prokopenko QHA-nyń XXVI sessııasynda usy­nylǵan ǵylymı-tanym­dyq «Qazaqtaný» jobasyna toq­talyp ótti. «Joba qazaq mádenıetin, tarıhyn, fılosofııasyn, sondaı-aq qazaq halqynyń qundylyqtaryn bar­lyq qazaqstandyq etnostar arasynda dáripteýge arnalǵan. Oǵan erek­she mańyz berilip otyr, ıaǵnı onda biryńǵaı qundylyqtardy qalyptastyrý eskerilgen», dedi ol. Sondyqtan bıylǵy maýsym aıynda Aqmola oblysynda atalǵan joba resmı túrde iske qosylmaq. «Jobaǵa ǵylymı maǵyna bermeı, júzege asyrý múmkin emes. Sol maqsatta QHA kafedralary bazasynda ony iske asyrý úshin tıisti alańdardy qurý kerek», dedi Leonıd Prokopenko. Budan soń Prezıdent N.Nazarbaevtyń qoǵamdyq-saıası jáne áleýmettik bas­tamalaryn ǵyly­mı-saraptamalyq qoldaý týraly ta­qy­rypta baıan­damalar jasaldy.

Sońynda QHA Ǵylymı sarap­shylyq keńe­siniń múshesi, fılologııa ǵylymdarynyń doktory, professor Á. Ahmetovtiń «Ǵasyr ǵıbraty» atty kitabynyń tanystyrylymy ótti.

Venera TÚGELBAI,

«Egemen Qazaqstan»