Almaty Challenger týrnırine 25 elden kelgen 100-ge jýyq tennısshi qatysýda – olardyń ishinde álem reıtıngisiniń TOP-júzdigine kiretin tennısshiler de bar. Al el namysyn Aleksandr Nedovesov, Tımýr Habıbýllın, Roman Hasanov jáne Denıs Evseev syndy úzdik tenısshiler qorǵaıtyn bolady.
Jarystyń saltanatty ashylý rásimine Qazaqstan, Almaty tennıs Federasııasynyń ókilderi, «Gorkıı tennıs park» jetekshileri, sonymen qatar, sportshylar men halyqaralyq dárejedegi tóreshiler qatysty. Tennısten Qazaqstan Federasııasynyń vıse-prezıdenti Dıas Dosqaraev barlyǵyn baıraqty básekeniń ashylýymen quttyqtap, qatysýshylarǵa sáttilik tiledi!
- Biz osymen úshinshi ret Almatyda osyndaı týrnırdi ótkizýdemiz, tipti, qalanyń ıgi dástúrine de aınalyp úlgerdi. Prezıdent Kýbogynan keıingi eń aýqymdy týrınırlerdiń biri - ATP Challenger. Búgingi tańda, elimizde tennıs qarqyndy damyp keledi. О́tken jylǵy nátıjelermen salystyratyn bolsaq, týrnır eki ese kúsheıip, mártebesi de birshama kóterildi. Biraq, bul óz kezeginde básekeni de kúsheıtti, bizdiń sportshylarǵa ońaı bolmaıdy, - dep bólisti Dıas Dosqaraev.
Jarystyń júlde qory $50000 quraıdy, aqshalaı syılyqtan bólek, qatysýshylar ATP reıtıngtik upaılardy jınap, deńgeılerin kóterýge múmkindik alady.
Birinshi kúnniń nátıjelerin aıtatyn bolsaq, elimizdiń úzdik juby Tımýr Habıbýlın men Aleksandr Nedovesov keremet bastady, jaqsy nátıje kórsetýde. Eýropadan kelgen myqty jeke sanattaǵy tennısshilerge qaramastan, bizdiń sportshylar da júldeli oryndardy sarapqa salady degen úmittemiz. Ásirese, Dıas Dosqaraev ıspandyq kásipqoı tenısshimen kezdesetin Denıs Evseevti atap ótti.
- Týrnır men úshin jaqsy ótti. О́kinishke oraı, keremet oıyn úlgisin kórsete almadym. Osyndaı aıtýly dodaǵa úshinshi ret qatysýdamyn, bul men úshin tájirıbıe. Uıymdastyrý jaǵynan barlyǵy keremet, baza da jaqsy. Eýropa men Azııadan kelgen úzdik oıynshylarmen bástesýdiń ózi úlken mártebe. Keleshekte, nemis tennısshilermen baq synasqym keledi. Olar osy týrnırdiń úzdikter qatarynda, - dep atap ótti Qazaqstan quramasynyń tennısshisi Beıbit Jýkaev.
Eske sala ketsek, tennısten «Almaty Challenger» halyqaralyq týrnıri 16 maýsymǵa deıin jalǵasady, sol kúni jeńimpazdar men júldegerler esimderi anyqtalady.
