Havı Ernandes koroldik ıspan federasııasynyń prezıdenti Lýıs Rýbıalestiń sheshimine qoldaý bildirdi.
«Lopetegıge qatysty sheshim mezgilinen kesh, kútpegen jerden ári jyldam ótken bolýy múmkin. Mundaı isti eshkimniń kútpegeni anyq. Biraq Rýbıales óte saýatty sheshim qabyldady. Ol Federasııa jekelegen adamnan joǵary turýy kerek ekenin birinshi oılady.
«Realdyń» áreketine qatysty pikir bildirgim kelmeıdi. Biraq men Ispanııanyń burynǵy oıynshysy retinde Federasııa durys sheshim qabyldady degen pikirdemin. Al Ierro ulttyq quramaǵa beıimdelgen maman. Áli esimde, 2010 jylǵy álem chempıonatynyń alǵashqy oıynynda Shveısarııadan jeńilip qalǵanymyzdan keıin bizge qatty kómektesken», dedi Havı Marca basylymyna bergen suhbatynda.
Álem chempıonatyna shaqyrtý almaǵan «Chelsıdiń» jartylaı qorǵaýshysy Fransesk Fabregas dúbirli doda kezinde televıdenıede sarapshy bolmaq.
Osyǵan baılanysty fýtbol sarapshysy Garı Lıneker Twitter jelisinde ázil túrinde mynadaı pikir qaldyrdy:
«Qandaı jaqsy boldy, endi Sesk Fabregastyń televıdenıe salasyndaǵy debıýtinde aıtary kóp bolady», dedi.
Al oǵan Fabregas jaýap retinde:
«Garı, asyqpaı kúte tur. Bálkim ulttyq quramaǵa endi shaqyryp qalatyn shyǵar», dedi.
Aıta keteıik, 12 maýsym kúni Hýlen Lopetegı álem chempıonatynan keıin «Realdy» jattyqtyratyny belgili bolǵan. Al keshe ol resmı túrde qyzmetinen bosatyldy. Ispanııalyqtardy 15 maýsym kúni Portýgalııaǵa qarsy oıyn kútip tur.
Lopetegıdiń ornyna ulttyq quramanyń sport dırektory Fernando Ierro taǵaıyndaldy.
