D.Nazarbaeva Astanadaǵy dıplomatııalyq mıssııanyń bastalýymen M. Gıffordty quttyqtady jáne onyń kásibı tájirıbesi bizdiń elderdiń arasyndaǵy qarym-qatynasty odan ári nyǵaıtýǵa yqpal etetinine senim bildirdi.
Júzdesýshiler Donald Tramp pen Kım Chen Ynnyń Sıngapýrda bolǵan kezdesýi jáne Koreı túbegin qarýsyzdandyrý máseleleriniń sheshilýi týraly pikir almasty. D.Nazarbaevanyń pikirinshe, AQSh pen KHDR basshylary arasyndaǵy kelissózderge úmit artýǵa bolady.
Senat komıtetiniń tóraǵasy Qazaqstan men Brıtanııa arasyndaǵy dostyq jáne senimdi qatynastardy joǵary baǵalap, Ulybrıtanııanyń Qazaqstannyń mańyzdy strategııalyq áriptesi ekenin atap ótti. Aýqymdy saýda- ekonomıkalyq, qarjy jáne ınvestısııalyq yntymaqtastyq ornatyldy. D.Nazarbaeva Astana» halyqaralyq qarjy ortalyǵynyń ashylýyna baılanysty brıtan bankileri men qarjy ınstıtýttarynyń aldynda ashylatyn zor múmkindikterge nazar aýdardy.
Taraptar mádenı-gýmanıtarlyq baılanystardy damytý máselelerin talqylady. D.Nazarbaeva bilim, ǵylym jáne jańa tehnologııalar salasyndaǵy yntymaqtastyqtyń nátıjeli sıpatyn rızashylyqpen atap ótti. Senator Brıtan keńesi men elimizdiń Bilim jáne ǵylym mınıstrligin birlesken jobalardy iske asyrýǵa járdemdesýge shaqyrdy.
Áńgime barysynda eki eldiń zań shyǵarý organdarynda jumys isteıtin dostyq toptary zor ról atqaratyn parlamentaralyq únqatysýdyń mańyzdylyǵy atap ótildi. D.Nazarbaeva atap ótkendeı, brıtan depýtattarynyń qazaqstandyq áriptesterimen baılanystary Qazaqstan men Ulybrıtanııanyń parlamentteri arasyndaǵy baılanystardy keńeıtý men tereńdetýde sheshýshi yqpaly bolýy tıis.
